BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA perante a tentativa de proibiçom do concerto de Banda Bassotti em Ferrol

imagem

Agosto de 2007

O Partido Popular e a AVT levam anos a aleijar as já de por sim escassas liberdades existentes no Estado espanhol. Ao promoverem a ilegalizaçom de forças políticas e organizaçons sociais de esquerda ou encerramento de meios de comunicaçom e, nesta ocasiom, a proibiçom de concertos de grupos de música comprometida socialmente mostram às claras qual é o modelo de “democracia” que dim defender: um regime que apenas tenha de democrático o nome e onde a livre exposiçom de ideias, debates e expressons de criatividade sejam emasculados à sua vontade.

As embestidas da besta nom som novas na Galiza e já em outras ocassons se empenhou em restringir a liberdade de expressom proibindo concertos de grupos suspeitosos. É umha velha fórmula praticada contra eventos organizados por entidades populares, e que dependendo da ocassom também contarom com o apoio do PSOE e o silêncio cúmplice do BNG. Fai apenas umhas semanas foi o concerto de Fermim Muguruza em Compostela o que foi ameaçado com a suspensom, e agora pretendem impedir a intervençom de Banda Bassotti nas Festas de Ferrol o próximo 11 de Agosto.

Porém, o verdadeiramente grave nom é que as vozes reaccionárias saiam das cavernas e nos esclareçam a sua feiçom fascistoide senom a possibilidade de o PP e a AVT poder amparar-se numha lei espanhola para proibir um concerto. Esta é mais umha prova da falta de liberdade existente no “Reino de Espanha”. Da farsa democrática que fareja a apodrecido fascismo, no que os grupos de música som perseguidos pola mensagem das suas letras e o seu apoio aos movimentos populares.

O Grupo de Base de BRIGA em Trasancos quer transmitir a sua solidariedade com o grupo amigo Banda Bassotti e encoraja à juventude galega a nom permitir nem um só ataque contra a liberdade de expressom.