BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA com a liberdade de expressom em Ferrol

imagem

Agosto de 2007

Desta volta as ameaças e extersons aos que nos tenhem acostumado a AVT e o Partido Popular nom surtirom efeito, e o concerto dos italianos Banda Bassotti decorreu, tal e como estava previsto, o passado Sábado 11 de Agosto em Ferrol.

Militantes do Grupo de Base de BRIGA em Ferrol distribuírom no concerto um panfleto denunciando a campanha protagonizada pola extrema-direita para impedir a celebraçom do concerto e o normal desenvolvimento das festas de Ferrol e um colante com a legenda “Fascismo nunca mais! Paremos ao PP e a AVT!. Defendamos a liberdade de expressom”, que tiverom umha mui boa acolhida entre @s mais de 1500 assitentes ao concerto.

A seguir reproducimos o texto do panfleto distribuído,

Fascismo nunca mais!
Paremos ao PP e a AVT!
Defendamos a liberdade de expressom

Nom lhes avonda com a ilegalizaçom de organizaçons políticas e sociais, nom lhes avonda com estar a favor do encerramento de meios de comunicaçom, também nom lhes avonda com ser os únicos que nom condenam o alçamento fascista de 1936 que causou um autêntico holocausto na Galiza onde os fascistas assassinárom mais de 300.000 galegos e galegas. Nom. Som os mesmos que se botam as maos à cabeça quando a classe trabalhadora se organiza e luita polos seus direitos, os mesmos que lhes dá nojo todo o que nom sejam relaçons heterosexuais e moral nacional católica, os mesmos que defendem a desigualdade social, que justificam a poluinte e perigosa planta de Reganosa na ria polo simples interesse de quatro gatos, que acham que a juventude é sinónimo de delinqüência e que odiárom e odiarám ter nascido num país com cultura e língua própria porque todo o que cheire a galego consideram-no atrassado e de pailáns.

Som os “democratas” do PP e da AVT. A gente de bem que che olha de esguelho e com afám de superioridade polas pintas que tens ou sentem mágoa por sentir a umha crança falar em galego. Bem-vind@s ao mundo da liberdade!! Onde se proibem concertos polo simples facto de ser umha música que fala da vida, que nom cala a boca e denuncia as injustiças, os problemas da gente. Umha música que se solidariza com a luita dos povos e fala de cousas tam ingratas para esta gente como aboliçom de classes, igualdade e respeito para toda a gente. Todo o que cheire a comunista ou separatista há que proibi-lo, condená-lo e persegui-lo porque som todos terroristas.

Pois que se enteirem de umha vez! Há muita gente neste país que se sente vermelha e galega. E por muitas ameaças nom vam conseguir o seu objectivo. Hoje tocará banda Bassotti em Ferrol e @s jovens galeg@s acudiremos em massa. E amanhá poderám volver a tocar em qualquer recanto deste país, eles e os outros aos que perseguides porque o povo galego os acolherá com carinho e solidariedade internacionalista. Aos que nom queremos é a vós, os que apenas vos escuitades a vós próprios e nom deixades que a gente se expresse livremente. A vós, fascistas, abofé que nom vos queremos!!

Trasancos, Agosto de 2007