Comunicado em solidariedade com a Revira
Agosto de 2007
Na passada sexta-feira 10 de Agosto o Local Social da Revira de Ponte Vedra, situado na rua Arcebispo Malvar, era alvo dum ataque fascista ao ter sido incendiada a sua porta durante a madrugada. De BRIGA queremos expressar a nossa total solidariedade e apoio aos companheiros e às companheiras do Centro Social pontevedrês, cuja contínua actividade a prol da construçom nacional da Galiza só pudo ser respostada por estes elementos fascistas deste jeito, próprio de quem olha com impotência como o independentismo cresce e tem presença pública permanente na cidade.
Apoiamos a petiçom das Revira para que as autoridades municipais investiguem o sucedido e também denunciamos o silêncio das forças políticas "progressistas" ante um facto de extrema gravidade como este. É vergonhoso que os que tenhem tanta facilidade para realizar "enérgicas condenas" frente a sucessos que tenhem lugar a centos de quilómetros da Galiza olhem para outro lado ante o sucedido na sua própria cidade.
Aliás, queremos dizer bem claro que nengumha das agressons do fascismo espanhol ao movimento popular vai ficar impune, e que antes ou depois vam ter a resposta que merecem. Os continuadores do falangismo de há setenta anos, vistam as roupagens que vistam hoje, nom vam ter fácil, nem cómodo, o agir na nossa terra.
Avante com a Revira!
Nengumha agressom sem resposta!
Fascismo nunca mais!
A continuaçom reproduzimos o comunicado da AC Revira:
Comunicado da Revira
Na madrugada da passada sexta-feira o Centro Social A Revira de Ponte Vedra foi atacado mediante um incêndio provocado. Só um rápido aviso d@s vizinh@s da zona aos bombeiros puido evitar uns danos muito mais graves, tanto do ponto de vista material como do pessoal. Lembramos que a Revira está situada na zona velha da cidade, onde a maior parte das casas som muito antigas, com interiores de madeira e, lógicamente, habitadas.
A intensa actividade na rua que vem desenvolvendo nos últimos meses a A.C. Revira provocou as iras de elementos fascistas da cidade, que se bem nom é esta a primeira vez que atacam o nosso centro social, sim o é com umha acçom desta envergadura. O dado mais significativo desta aseveraçom é que um dos elementos que empregárom para provocar o incêncio foi umha faixa que estivo pendurada na Praça da Peregrina até só dous dias antes sob a legenda de “Autodeterminaçom” e que desapereceu misteriosamente, o qual amosa premeditaçom bem calculada. Para mais inri, a mesma tarde do atentado, numerosos associad@s da Revira, junto com outra gente, membros tod@s da Plataforma Antitaurina de Ponte Vedra, enchérom a cidade com propaganda antitaurina, o qual deveu acrescentar as iras deste grupo, que se sentirá envalentonado com o “fervor nacional” que desprendem estas festas tam espanholas.
Desde a Associaçom Cultural A Revira exigimos por parte das autoridades municipais a investigaçom dos factos e localizaçom dos culpáveis. Resulta singelo seguir a pista de quem tivo que adicar algum tempo a despendurar umha faixa colocada a vários metros de altura e numha praça na que há várias cámaras de vídeo-vigiláncia.
Queremos agradecer as mostras de solidariedade expresadas por vários colectivos e pessoas, aos que queremos manifestar a nossa firme determinaçom para seguir trabalhando e organizando-nos desde a nossa comarca para contribuir à construçom nacional da Galiza, defender e promover a língua e cultura galega, o meio ambiente, os direitos da mulher e difundir valores solidários e internacionalistas.