BRIGA denuncia as graves monstras de chularia e prepotência fascista por parte da Polícia espanhola em Ferrol

Setembro de 2007

O passado 8 de Setembro a polícia espanhola deu mais umha monstra em Ferrol da chularia e prepotência com a que costumam actuar, desta vez com o acosso a um grupo de jovens que assitiram ao concerto que o grupo madrileno Kaos Urbano dera na Fundaçom Artábria.

Já durante o concerto forom contínuos os passeios da Polícia local e da espanhola por diante do Centro Social, esta última numha atitude claramente intimidatória. Mas nom foi até depois do concerto quando se producirom os factos mais graves.

Um grupo de jovens que acudira ao concerto tivo que suportar durante toda a noite um abafante seguimento por parte de vários carros da Polícia espanhola e sofrir repetidas identificaçons, cacheios e ameaças. Entre os numerosos cans de présa adicados essa noite à caça e o acosso d@s jovens que assistiram ao concerto, destacou um dos polícias,. velho conhecido polos seus métodos repressivos e intimidatórios à hora de exercer o seu “trabalho”: obrigar a falar aos detidos ou identificados em espanhol, insultos, ameaças, reconhecido inimigo do independentismo e de todo o que soe a galego...

Como monstra da gravidade dos factos cumpre destacar a actuaçom deste polícia que dirixindo-se aos seus “companheiros” e em referência a umha rapariga: “Mirad esta, que pinta de puta tiene” ou, dirixindo-se aos identificad@s e sinalando para o escudo monárquico espanhol do seu uniforme: “¿Veis esto? Esto es una mierda... si volviese a estar el aguilucho, otro gallo iba a cantar. Os ibais a enterar”. As mulheres do grupo forom o principal alvo da prepotência destes cans de presa que chegarom a ameaçar a umha jovem afirmando que “Una chica tan guapa como tú, no lo iba a pasar bien en comisaría”.

De BRIGA denunciamos energicamente este grave episódio de acosso policial que é umha boa mostra da atitude que @s jovens organizad@s da cidade, e nom só, temos que sofrir habitualmente por parte destes fascistas uniformados. Assim fazemos um chamamento a nom deixar impune este tipo de comportamentos e animamos a denunciar publicamente e combater a chularia e prepotência das forças de ocupaçom em Ferrol.