Homenagem ao internacionalismo no Dia da Galiza Combatente´07

Outubro de 2007

NÓS-Unidade Popular, organizaçom política da esquerda independentista, convoca mais um ano o Dia da Galiza Combatente. Nesta ocassom os actos centrais decorrerám no Sábado 6 de Outubro em Vigo e se o passado ano foi adicado às luitadoras e luitadores contra o alçamento fascista de 1936, desta volta NÓS-UP adicará a jornada e a campanha nacional a homenagear ao combatentes galeg@s anti-imperialistas, precisamente quando se cumprem 40 anos da queda de Che Guevara.

O acto, convocado diante da estátua de Simom Bolívar em Vigo, dará começo às 12h30 e intervirá um membro da Direcçom Nacional de NÓS-UP, Maurício Castro, junto com Moncho Leal, da Associaçom de Amizade Galego-Cubana Francisco Vilhamil, e Crstina Corral, militante de BRIGA. Além das intervençons, durante o acto terá lugar a actuaçom do cantor Tino Baz.

Após o acto político está previsto desplazar-se até a Baiuca Vermelha em Ponte Areas, onde haverá um jantar de confraternizaçom.

A campanha nacional de NÓS-UP rematará o 11 de Outubro, Dia da Galiza Combatente, com umha oferta floral em homenagem à combatente galega Lola Castro no cemitério de Meirás em Valdovinho, no que também participará a militáncia de BRIGA.