BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

O Centro Social compostelano Henriqueta Outeiro acolheu seminário sobre a Revoluçom cubana

imagem

Outubro de 2007

Umha lotada sala de conferências do centro social Henriqueta Outeiro acolheu a passada tarde do sábado 20 de Outubro um seminário sobre a Revoluçom cubana. O acto formativo organizado por BRIGA e AGIR foi ministrado polo cônsul cubano na Galiza Alejandro Fuentes que estivo cerca de três horas respondendo as numerosas perguntas que @s jovens assitentes forom formulando ao longo da tarde.

O sistema democrático cubano, os problemas que afronta a Revoluçom neste século XXI, os ámbitos de trabalho dos Comités de Defesa da Revoluçom, a génese e funcionamento do Partido Comunista Cubano, as conseqüências do bloqueio, as desigualdades geradas após o Período Especial, a alternativa bolivariana ao ALCA... fôrom algumhas das questons abordadas polo diplomata, o qual mostrou, mais umha vez, a boa saúde do processo revolucionário iniciado há já 49 anos na ilha dos Caraíbas.

Ao final do acto AGIR e BRIGA fixerom entrega a Alejandro Fuentes dumha figura com umha inscripçom adicada "ao heroico povo cubano".

Este seminário nom é o primeiro organizado pola organizaçom juvenil e estudantil do Movimento de Libertaçom Nacional Galego, que além de possibilitar cada ano a Escola de Formaçom, tenhem centrado esforços nos objectivos de formar a nova geraçom de militantes independentistas e abordar temáticas revolucionárias e problemáticas juvenis que os meios de comunicaçom burgueses distorcem e tersiversam.

Precisamente fai uns meses decorreu um seminário centrado no marxismo como matéria de estudo, que foi ministrado polo comunista português Francisco Martins e o comunista basco Justo de la Cueva. @s jovens do MLNG já estám a preparar vindouros seminários, concretamente um adicado à história do feminismo e outro que analisará a funçom das drogas numha sociedade capitalista desde umha perspectiva juvenil e de esquerda.