Nova data para o encerramento do Ciclo de cinema em Ponte Vedra

Novembro de 2007

O Ciclo de Cinema Juvenil organizado polo Grupo de Base de Ponte Vedra em colaboraçom com o Cineclube desta cidade rematará finalmente o próximo 9 de Novembro, depois de que a projecçom do derradeiro filme do ciclo, “Bairro”, tivesse que ser adiado por motivos alheios à nossa organizaçom e ao próprio Cineclube. A projecçom de “Bairro” será no Teatro Principal às 20h00, como vinha sendo habitual.

Até o momento a valorizaçom deste Ciclo de Cinema Juvenil nom pode ser mais positiva; fôrom já mais de cem pessoas, na sua maioria moç@s, as que passárom polo Teatro Principal para desfrutar dos filmes já projectados, “Monster”, “Réquiem por um sonho”, “Felizes dezasseis” e “Baila-me a água”; e também para falar e debater sobre algumhas das temáticas tratadas neles em relaçom com a situaçom da mocidade na actualidade, como podem ser as drogas e o consumismo, o machismo padecido polas moças ou a falta de perspectivas laborais e mesmo vitais a que nos conduziu o sistema capitalista nesta fase terminal denominada globalizaçom.

É o nosso objectivo ajudar a reflexionar sobre estes temas nom pola simples reflexom intelectual autocomplacente, mas para motivar às moças e aos moços galeg@s à luita activa e organizada contra esse sistema e os seus inevitáveis efeitos de misséria, precariedade, repressom, alienaçom, doenças e morte.

O Grupo de Base de BRIGA em Ponte Vedra quer agradecer a participaçom a todas as pessoas que estám a assistir a este Ciclo de Cinema Juvenil, e adiantar que no futuro serám organizadas novas ediçons do mesmo. Também quer agradecer ao Cineclube a sua colaboraçom na co-organizaçom do ciclo e expressar o desejo de que esta continue no futuro.