Comunicado sobre o assassinato dum jovem anti-fascista em Madrid

Novembro de 2007

O passado Domingo 11 de Novembro, e no marco da resposta popular à convocatória dumha mobilizaçom racista em Madrid, vários jovens anti-fascistas forom apunhalados e finalmente um, de tam só 16 anos, resultou morto.

Os meios de comunicaçom pronto se lançarom a desinformar sobre o acontecido, disfarçando a agressom e a resposta anti-fascista contra este acto racista, como umha simples peleja entre "bandas", ocultando a cumplicidade de PP e PSOE, que mentras detenhem, persiguem e ilegalizam organizaçons e movimentos populares, permitem e amparam manifestaçons do fascismo.

Além, a condiçom de militar professional do assassino, que nom se conheceu até o dia seguinte, pom em evidência a verdadeira natureza do Exército espanhol e a extendida filiaçom a organizaçom fascistas no seu seio, algo que nom deve surprender numha instituçom sustentadora do régime fascista e salvaguarda do seqüestro da nossa soberania nacional e da exploraçom capitalista.

Também na Galiza sabemos bem destas grupúsculos, que ainda que habitualmente vivam numha espécie de semi-clandestinidade por causa da pressom do anti-fascismo, tenhem actuado ultimamente envalentonados pola ofensiva espanholista e anti-galegas lançada desde Madrid. A tentativa de queimar o CS da Revira em Ponte Vedra é boa monstra desto.

Na Galiza som várias as mobilizaçons convocadas em repulsa ao acontecido. De BRIGA nom podemos menos que somar-nos às mobilizaçons, enviar umha calorosa aperta às/aos companheir@s do jovem assassinado e ao resto d@s ferid@s e enviar umha clara mensagem ao fascismo e aos seus cúlplices: nengumha agressom sem resposta!

Domingo 11 de Novembro
Corunha, às 20h00 diante da Delegaçom do Governo
Compostela, às 20h30 na Praça do Toral

Quinta-feira 15 de Novembro
Vigo, às 20h00 no MARCO
Ponte Vedra, às 19h30 na Praça da Peregrina
Corunha, às 20h30 no Obelisco

Sábado 17 de Novembro
Ferrol, às 19h00 no Cantom