Importante resposta antifascista na Galiza

Novembro de 2007

Na última semana, em diferentes pontos da Galiza artelhou-se umha importante e contundente resposta ao assassinato do jovem madrileno e ao aumento das actividades das organizaçons fascistas alentadas pola campanha mediática do mais rançoso espanholismo.

As principais cidades e vilas do País acolherom ou acolherám nos próximos dias mobilizaçons anti-fascistas e nalgumhas, como é o caso de Compostela, os lamentáveis sucessos de Madrid e a presença destes grupúsculos na Galiza, provocarom a constituiçom dumha Assembleia que já anunciou umha manifestaçom para o 20 de Novembro.

As mobilizaçons estám a ser mui concurridas. No caso das convocatórias de onte, quinta-feira dia 15, em Ponte Vedra reunirom-se arredor de 70 pessoas e na de Corunha mais dum centenar, na sua maioria jovens.

Esta importante resposta anti-fascista deve dirigir-se, ademais da repulsa polo assassinato e a solidariedade com @s companheir@s de Madrid, à conscienciaçom da esquerda galega da ameaça que representaria o crescimento deste tipo de organizaçons na Galiza, que até o dagora só puiderom actuar numha espécie de semi-clandestinidade e em contadíssimas pontos da nossa geografia. Há que fazer efectivo o princípio de que se nom se combate, o fascismo avança, e impedir por todos os meios qualquer alargamento das actividades destes grupúsculos, que nos últimos meses, envalentonados pola ofensiva racista e espanholista lançada desde Madrid, estám tentando intensificar a sua presença na Galiza tal e como demonstra a tentativa de queimar a Revira em Ponte Vedra.

Porém nom há que esquencer quais som os verdadeiros responsáveis da morte do Carlos em Madrid. Que o companheiro fora assassinado por um militar profissional, no marco dumha resposta popular a umha mobilizaçom racista permitida pola Delegaçom do Governo e que se produci-se no marco dumha furiossa ofensiva política e mediática de exaltaçom espanholista nom é casual. Os responsáveis deste assassinato som os mesmos que mentras perseguem e ilegalizam opçons revolucionárias promovem organizaçons de corte racista, os que promovem o ódio contra galeg@s, cataláns e basc@s ou os que lançam consignas racistas, como as que dedicam estes dias ao que chamam gorila vermelho Hugo Chavez, que som a melhor coartada para as agressons racistas.

Domingo 11 de Novembro
Corunha, às 20h00 diante da Delegaçom do Governo
Compostela, às 20h30 na Praça do Toral

Quinta-feira 15 de Novembro
Vigo, às 20h00 no MARCO
Ponte Vedra, às 19h30 na Praça da Peregrina
Corunha, às 20h30 no Obelisco

Sábado 17 de Novembro
Ferrol, às 19h00 no Cantom
Noia, às 19h00 diante do Concelho
Ourense, às 19h00 desde a Subdelegaçom do Governo

Terça-feira 20 de Novembro
Compostela, às 19h30 desde a Praça de Vigo

Mobilizaçom em Ponte vedra

Leitura do comunicado

Cartaz da mobilizaçom em Compostela

Mobilizaçom da Corunha