Continuam mobilizaçons antifascistas na Galiza
Novembro de 2007
Se fai uns dias informávamos da importante resposta antifascista artelhada na Galiza que evidenciavam a assistência às mobilizaçons da Corunha ou Ponte Vedra, hoje há que seguir informando do sucesso das manifestaçons de Ferrol, Compostela e outras que decorrerom nos últimos dias em outros pontos da nossa geografia.
No caso de Ferrol, a manifestaçom antifascista tivo lugar o Sábado dia 17 de Novembro e reuniu a mais de um centenar de pessoas. A mobilizaçom partiu passadas as 19h00 do Cantom e percorreu as principais ruas do bairro da Madalena trás umha única faixa com a legenda “Contra o fascismo e o racismo, nengumha agressom sem resposta”. O único momento de tensom viviu-se quando @s antifascistas passarom polo local dum conhecido fascista que fijo um amago de enfrentar-se à manifestaçom.
Em Compostela, a mobilizaçom foi convocada pola Assembleia Antifascista e tivo lugar o 20 de Novembro. Arredor de 500 pessoas percorrerom as ruas da capital da Galiza desde a Praça de Vigo até a Praça do Pam, no coraçom da Zona Velha compostelana. Nesta mobilizaçom o controlo policial foi muito mais evidente e várias carrinhas e polícias espanhois de choque escoltarom a manifestaçom antifascista. Igual que no resto de mobilizaçons convocadas na Galiza nas últimas duas semanas, as consignas lançadas durante a mobilizaçom denunciarom a cumplicidade do Estado espanhol e as chamadas Forças de Seguridade na impunidade com a que actuam as organizaçons fascistas, que rebrotam ao calora da ofensiva espanholista lançada desde Madrid.
Mas a actividade da esquerda independentista nom se cingiu unicamente à potenciaçom e participaçom nas mobilizaçons antifascistas. Assim, militantes de AGIR boicotarom o 20 de Novembro a placa adicada ao Legaz Lacambra, reitor fascista, que da nome a umha rua do Campul Sul em Compostela. @s estudantes colocarom no seu lugar um cartaz recordando à FUE, primeira experiência organizativa do estudantado galego, gorada precisamente polo alçamento de 1936.
Também NÓS-Unidade Popular aproveitou a data para dar-lhe continuidade a exemplar campanha contra a simbologia fascista, que a desídia umha vezes e outras a cumplicidade dos políticops que gestionam as instituiçons locais e autonómicas, mantenhem nas nossas ruas.
Novas relacionadas,
- Comunicado sobre o assassinato dum jovem anti-fascista em Madrid ..+
- Importante resposta antifascista na Galiza ..+