Polícia espanhola detem quatro militantes de NÓS-UP após a mobilizaçom de Causa Gz

Dezembro de 2007

Após a mobilizaçom convocada por Causa Galiza que percorreu as ruas de Vigo em defesa do direito de autodeterminaçom, quatro companheiros militantes de NÓS-Unidade Popular forom detidos por agentes da Polícia espanhola.

Umha vez conhecida a detençom dos quatro independentistas, a organizaçom política da esquerda independentista convocou umha concentraçom urgente em solidariedade com os detidos frente a esquadra policial de Lopez Mora. Segundo recentes informaçons a concentraçom foi atacada por polícias de choque, que pese a deixar vári@s contusionad@s, nom lograrom disolver a mobilizaçom que nestes momento reune a mais de um centenar de pessoas.

Segue sem haver confirmaçom oficial das causas da detençom, mas todo parece indicar que os quatro companheiros podem ser acusados de ser os autores da queima dum retrato de Borbom ao remate da mobilizaçom autodeterminista.

De BRIGA queremos expressar a nossa incondicional solidariedade com os quatro companheiros detidos e com NÓS-Unidade Popular, assim como denunciamos este novo ataque a auto-organizaçom popular e a liberdade de expressom.

Liberdade para Santiago. Crístofer, Carlos e Alexandre!
Galiza sempre antimonárquica!
6-D, nada que celebrar!