BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Intervençom de BRIGA no acto de encerramento da IV Assembleia Nacional de NÓS-UP

imagem

Dezembro de 2007

A seguir reproducimos a intervençom realizada por Cristina Corral, membro da Mesa Nacional de BRIGA, no acto de encerramento da IV Assembleia de NÓS-Unidade Popular, que decorreu o passado 1 de Dezembro em Compostela.

Companheiras, companheiros:

É de umha funda satisfacçom para nós estarmos hoje aqui.

Como sabedes a juventude revolucionária organizada em BRIGA nasceu como mais umha peça complementar desse grande barco chamado Movimento Nacional de Libertaçom Galego. Grande nom polo tamanho, mas sim polo seu desafio histórico: acabar com o capitalismo espanhol que nos oprime como classe, nos esmaga como mulheres e nos assassina como povo.

Temos cada umha de nós, cada um de nós, nas nossas maos, a possibilidade de libertar o povo trabalhador galego dessa secular opressom que levamos sofrendo.

Sabemos que o repto é difícil. A nossa etnicidade está a desaparecer, a nossa língua perde cada ano falantes e deixou de ser já por primeira vez a majoritaria do País. Porém, temos algo que nos fai invencíveis: o convencimento de que a construçom dessa naçom vermelha, lilás e ceive é possível, a absoluta certeza de que a nossa luita nom é umha quimera, de que podemos ser o que quigermos, porque a força de um povo é indestrutível. A fé cega em que a luita por alcançar a liberdade, de sermos livres algum dia, merece realmente a pena.

A nossa é umha guerra longa. E para a ganhar é preciso construir as ferramentas necessárias, medir as forças do inimigo e atinar no alvo no momento exacto. Muitas vezes erraremos, outras nos enganaremos, no entanto, o que aprendemos @s independentistas galeg@s é a necessidade, dentro desse equilíbrio, a nom renunciar a nengum campo de luita. Renunciar à batalha política supom deixar nas maos da cavernícola burguesia todo o que atinge às nossas condiçons materiais de vida, predicar o apoliticismo é renunciar à tomada de poder do povo trabalhador e que sejam os tubarons de sempre que continuem com a corruptela e a destruiçom da Galiza.

Aí radica a importáncia da consolidaçom de umha organizaçom política que como NÓS-Unidade Popular trabalha diariamente para que o discurso da esquerda real calhe no povo, crie estados de opiniom e entre nas instituiçons espanholas e burguesas para fazer ouvir a Galiza que luita.

A juventude, o estudantado, as mulheres, o povo trabalhador da Galiza precisam urgentemente dessa alternativa que nos devolva as esperanças da vitória. Por todo isto parabenizamos-vos pola consolidaçom que supom para umha organizaçom política a celebraçom desta IV Assembleia Nacional e desejamos-vos grandes vitórias, porque a vossa luita é a nossa.

Viva a Unidade Popular!
Viva Galiza Ceive!
Viva Galiza socialista
Viva Galiza nom patriarcal!