Denunciam utilizaçom de ordenança anti-botelhom para “limpar” de jovens Compostela

Dezembro 2007

A Plataforma contra a criminalizaçom da juventude vem de denunciar que a chamada Ordenança anti-botelhom está a ser utilizada pola Polícia Local para desalojar à mocidade de zonas concretas da cidade, principalmente de praças e ruas do Casco Velho.

A Plataforma contra a criminalizaçom fora criada há agora algo mais de um ano para enfrentar umha Ordenança municipal, finalemente aprovada, que sob a escusa de luitar contra o botelhom e os prejuícios que causava à vizinhança, restringia mais se cabe os direitos da mocidade na cidade, outorgando às polícias local e espanhola a coartada para evitar qualquer reuniom de jovens pola noite.

Os factos que denuncia a Plataforma nesta ocassom, que só é um de muitos que acontecerom ao longo destes meses, demonstra o acertado das denuncias realizadas na altura e das que PSOE, BNG e PP, figerom ouvidos sordos ao aprovarem a Ordenança.

A seguir reproducimos o comunicado feito público pola Plataforma,

A criminalizaçom da juventude da para muito, sobretodo para privatizar as ruas, roubando-lhas à cidadania para outargar-lhas à privatizaçom do lazer juvenil. Porém, o estado polícial no que convertem Compostela noite trás noite apenas pode parecer util a aqueles que consideram positivo que @s jovens tenhamos cada vez menos alternativas. Exemplos disto som os factos ocorridos na ultima quinta-feira de Novembro.

Nessa quinta-feira à noite esta Plataforma realizou mais umha acçom agitativa nas ruas desta cidade. Actividade que foi silenciada de maneira quase automatica, apenas duas horas depois, pola Polícia Local ao arrincarem os cartazes que cubriam o casco velho. Isto indica umha vez mais, as travas sob as que tem que trabalhar qualquer forma de auto-organizaçom juvenil que nom passe pola caixa recaudatoria de Raxoi ou dos bares e terrazas.

Além disto, umha actividade da Assembleia Geral de Estudantes da USC foi agredida pola actuaçom da Políca Local nessa mesma noite. A Polícia Local impediu a realizaçom dumha foliada na Praça da Quintá depois do magusto que realizarom @s estudantes no CS da Gentalha do Pichel. Porém, nom lhes bastou com impedir o som das gaitas e das gorjas devido aos protestos d@s vizinh@s (!) senom que reagirom violentamente à resistência passiva que a juventude que lá estava realizou ante o intento de desalojo da praça. Varios moç@s forom identificados e ameaçados com ser denunciados ante a Delegaçom do Governo entanto que um rapaz era levado à esquadra da polícia nacional, factos que forom acompanhados dumha actitude chulesca das forças repressivas que usarom quatro carros e chegarom a sacar as porras.

Estes acontecimentos provam qual é o verdadeiro objectivo que há detrás da criminalizaçom da juventude: a detençom de toda actividade auto-organizada da mocidade ao tempo que se oculta a face mais dramatica dum lazer volcado cara o lucro capitalista. Ao mesmo tempo demostram o grao de incompetência dos poderes publicos devido ao uso que fam dos metodos polícias contra a juventude entanto que som incapazes de deter a vaga de agressons sexuais machistas que sufren na actualidade as mulheres de Compostela.