BRIGA participa na celebraçom do aniversário da Revoluçom cubana
Dezembro de 2007
BRIGA participou o passado Sábado 22 de Dezembro na homenagem organizado pola Associaçom de Amizade Galego-Cubana Francisco Vilhamil em Compostela.
O acto internacionalista, que decorreu poucos dias antes de cumplir-se 49 anos desde o triunfo da Revoluçom, diferentes organizaçons e colectivos realizarom umha saudaçom ao processo revolucionário cubano para rematar com umha intervençom do companheiro Alejandro Fuentes, Cónsul de Cuba na Galiza.
A participaçom na posta em andamento da Brigada Galega Fuco Gomes, a organizaçom do Seminário de Formaçom sobre a Revoluçom cubana e a nossa participaçom nas actividades organizadas pola Associaçom de Amizade Galego-Cubana Francisco Vilhamil, exprimem o compromisso da nossa organizaçom com o internacionalismo e a solidariedade com a luita doutros povos do mundo, um dos principais sinais de identidade desta esquerda independentista que estamos empenhados em construir.
A seguir reproducimos a saudaçom que Zéltia Fernandes, em representaçom de BRIGA, realizou nesta homenagem,
Saudaçom de BRIGA ao 49º Aniversário da Revoluçom cubana
Ante todo, o nosso agradecimento à Associaçom de Amizade Galego-Cubana Francisco Vilhamil polo seu convite a este acto.
Vai lá quase média centúria desde que o povo cubano se alçava com a tam desejada vitória, começando um processo revolucionário que na actualidade segue a ser um exemplo para todas as esquerdas revolucionárias do planeta.
Neste navegar face o porto final do comunismo, o povo trabalhador cubano tem demonstrado com factos o significado profundo da entrega militante, da solidariedade internacionalista e do sacrifício colectivo da maioria social de Cuba, que maliá a guerra suja dos estados burgueses tem aberto um horizonte de liberdade para os povos oprimidos do mundo e as suas classes obreiras.
De BRIGA, como juventude revolucionária da esquerda independentista, queremos aproveitar para enviar desde este recanto do mundo chamado Galiza a nossa mais fraternal saudaçom revolucionária ao povo cubano e à sua Revoluçom, assim como o nosso apoio incondicional contra as agressons com as que o Capital tenta destruir o processo de libertaçom iniciado há já 49 anos.
Sem mais, recebei umha afectuosa saudaçom revolucionária.
Até a vitória sempre
Momento da intervençom de BRIGA
O Cónsul de Cuba na Galiza encerrou a homenagem