BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

IV Foro de Rebeliom decorreu a passada sexta-feira em Ponte Vedra

imagem

Especial Nom mais julgamentos a antimilitaristas

Dezembro de 2007

O passado dia 21 tivo lugar no CS A Revira o IV Foro de Rebeliom, que sob o título A luita antimilitarista da juventude galega convidou ao Suso Domínguez, ex-coordenador geral da ANÁ-ANOC, e ao Alexandre Rios, militante de BRIGA repressaliado pola sua presunta participaçom no acto de boicote ao posto da BRILAT organizado em Junho de 2006.

Na primeira das intervençons, a cargo do Suso Domínguez, abordou-se a história do Movimento Antimilitarista Galego (MAG) desde o século das quintas, método polo qual um de cada cinco varons devia emprestar serviço militar ao Rei espanhol, até finais de século XX. As deserçons de recrutas galegos durante a guerra de independência cubana, o Serviço Militar Obrigatório (SMO) durante o franquismo e os movimentos de objecçom de consciência e insubmissom que centráro a actividade da ANOC-ANA fôrom alguns dos pontos que tratou o ponhente. Para finalizar, realizou umha análise dos Presupostos Gerais do estado espanhol, que duplicavam várias vezes o gasto na maioria das áreas sociais.

Alexandre Rios centrou a sua intervençom na denúncia da repressom polo acto militarista de BRIGA contra a BRILAT, polo que se pedem 2190 € e um ano de prissom para cada um/umha d@s encausad@s; e no papel e funçons que o exército espanhol e o resto dos exércitos jogam como braço armado das diferentes burguesias.

Após um frutífero debate onde se abordárom temas como a utilidade real do pacifismo, a importáncia da luita de classes e análise marxista para entender as causas dos conflictos armados, e o papel da indústria armamentística entre outros temas, dava-se por finalizado o IV Foro de Rebeliom.

No sucessivo, o Grupo de Base da comarca continuará a campanha de denúncia da repressom contra @s três militantes, assim como na organizaçom de mais eventos deste tipo.