Galiza naçom. @s jovens galeg@s pola oficialidade

Dezembro de 2007

Mais um ano o jogo da selecçom galega de futebol, desta vez da selecçom masculina e da feminina, servirá de marco para exprimir o enorme apoio popular às reivindicaçons nacionais no terreno desportivo e ao colectivo que acumula mais de dez anos de luita na sua defesa, Siareir@s Galeg@s.

Se no ano 2005 fumos testemunhas da recuperaçom do que fora um dos mais importantes movimentos populares da década passada, a mobilizaçom que decorreu na Corunha em Dezembro de 2006, culminaçom dum ano cheo de actividades, serviu para confirmar a vitalidade e potencialidade deste colectivo e de umhas reivindicaçons assumidas por multidom de organizaçons que Siareir@s Galeg@s soupo como poucos canalizar de forma unitária.

Siareir@s Galeg@s, e tod@s @s que defendemos os direitos nacionais da Galiza, temos em Vigo um novo repto que de seguro superaremos. A nova campanha pola oficialidade, a mobilizaçom nacional do 27 de Dezembro e a referencialidade que acadaremos no Estádio de Balaidos, devem servir para assegurar e afortalar as bases deste movimento popular, com o objectivo de enfrontar desde já os novos desafios que um espanholismo em ofensivo está a colocar no nosso caminho e que um BNG acomplexado e refém do PSOE nom será capaz de superar.

É fundamental que logremos canalizar a nossa energia para implicar ao nosso desporto na tarefa de tensionar e rachar a anti-democrática legislaçom espanhola e os vetos que nos impidem competir em igualdade de condiçons com as outras naçons do planeta. O único caminho para conquistar as nossas reivindicaçons consiste na ampliaçom das bases do movimento combinado com a pressom que logremos exercer na rua. Eis a chave para lograr a oficialidade que nada tem a ver com a prátcica da renúncia permanente que ofertam desde a Junta da Galiza.

De BRIGA encorajamos mais umha vez a exemplar luita de Siareir@s Galeg@s e chamamos a juventude trabalhadora a somar-se ao movimento em defesa das selecçons nacionais. Somos umha naçom...oficialidade!