27 de Dezembro: Somos umha naçom. Oficialidade

Dezembro de 2007

- Sítio web de Siareir@s Galeg@s ..+
- Comunicado de BRIGA ..+

Chegou o 27 de Dezembro e a culminaçom a umhas intensas semanas de trabalho de Siareir@s Galeg@s que levou a dezenas de vilas e cidades galegas a reivindicaçom da oficialidade para as nossas selecçons.

Como em passados anos em Compostela e na Corunha, Siareir@s Galeg@s convoca umha mobilizaçom nacional sob a legenda “Somos umha naçom. Oficialidade” que partirá às 20h15 da Praça das Travessas. Antes, às 18h30, chamam a assistir a estreia da selecçom nacional de futebol feminino que jogará com a selecçom catalana no Estádio de Balaídos e depois da mobilizaçom, no mesmo lugar, ao Galiza-Camarons.

A seguir reproducimos o manifesto feito público por Siareir@s Galeg@s com motivo da jornada do 27 de Dezembro,

Somos umha naçom. Oficialidade

No 27 de Dezembro as selecçons nacionais de futebol saltarám ao estádio de Balaídos em Vigo no que para muit@s será simplesmente um trámite anual para comprazer as, noutrora, dignas proclamas. Mas para Siareir@s Galeg@s, e todas as pessoas, colectivos e organizaçons implicados na defesa dos direitos nacionais da Galiza, será mais umha jornada neste longo caminho cara o pleno reconhecimento nacional das nossas selecçons que levamos percorrendo desde há mais de umha década.

O 27 de Dezembro voltaremos a sofrer a marginalidade que nos depara a antidemocrática legislaçom desportiva espanhola, mas também evidenciará a existência dessa outra Galiza, a que nom se rende, a que dia após dia acumula forças, a Galiza que Siareir@s Galeg@s representa e que demonstará mais umha vez a inquevrantável vontade do povo trabalhador galego para lograr a plena oficialidade para as nossas equipas nacionais.

Estamos conscientes de que enfrentamos umha longa marcha e que superar a barreira da negaçom e regionalizaçom do nosso desporto é umha tarefa monumental na que teremos que confluir e golpear junto com outros colectivos, projectos e organizaçons. Mas a nossa vontade é firme, e igual que superamos a travessia polo deserto que significou o que parecia umha inútil luita contra o muro levantado polo fraguismo e que nos negava a recuperaçom das nossas selecçons nacionais, estes dous anos dérom boa monstra de que Siareir@s Galeg@s está preparada para um combate de longo alento, que estamos seguros de ganhar.

Nem o espanholismo mais rançoso nem uns gestores acomplexados e temerosos da reacçom dos meios de comunicaçom espanhóis, impedirám que a Galiza avance no caminho da oficialidade em troca de um punhado de jogos amigáveis, alguns deles realizados numha penosa, para @s deportistas e para nós própri@s, clandestinidade.

De Siareir@s Galeg@s estamos seguros de que o trabalho desenvolvido ao longo destes meses, desde a jornada do 28 de Dezembro do passado ano na Corunha, possibilitará umha nova e importante demonstraçom de força da esquerda soberanista galega, desta vez para reclamar o reconhecimento dos nossos direitos nacionais no terreno desportivo. Porque somos naçom e a oficialidade é um direito...tod@s a Vigo o 27 de Dezembro.

Galiza, 27 de Dezembro de 2007