PSOE mostra o seu verdadeiro talante

Janeiro de 2008

Nos últimos dias assistimos a umha alarmante escalada repressiva comandada polo PSOE.

Três membros de Causa Galiza que solicitaram a permissom oportuna para fazer umha manifestaçom autodeterminista na cidade de Vigo fôrom multadas com 600€ por pessoa. A Delegaçom do Governo espanhol acusa-as de ter permitido que ao final da manifestaçom uns encarapuçados queimaram umha foto em tamanho real do monarca espanhol.

Igualmente, tal e como informamos neste web quatro independentistas que foram detidos umha hora depois desta manifestaçom, acusados de serem os autores da queima do retrato do rei, fôrom chamados a declarar nesta terça-feira 29 de Janeiro polo juiz da Audiência Nacional Grande Marlasca.

No Norte do País foi detido Carlos Cela Seoane, este vizinho da Corunha é muito conhecido por regentar um pub na rua do Orçám, o Faluya, lugar de encontro da gente de esquerdas, e polo seu compromisso com os movimentos sociais da comarca. Carlos sempre tinha as portas do seu bar abertas a qualquer tipo de colaboraçom com colectivos, centros sociais, organizaçons... No Sul do país a Guarda Civil detinha José Luís Fernandes Rodrigues, alcunhado Che, também um popular vizinho vigués que era membro da associaçom de vizinhos do seu bairro e muito querido pola gente da zona. Ambos fôrom acusados de serem membros “legais” dos GRAPO. Porém, nengumha arma foi encontrada nas suas casas. Tam-pouco importou muito ao partido do talante que o segundo dos detidos fora paraplexico e, portanto, por razons óbvias incapaz de militar num comando legal de umha organizaçom militar. Depois do seu passo pola Audiência Nacional, os dous galegos fôrom acusados de prosselitismo e o esperto Ministro do Interior espanhol declarou que era umha detençom preventiva.

Todo o mundo sabe que um estado de direito caracteriza-se polo facto de as pessoas serem julgadas polos factos e nom polas ideias. Todo aponta a que o que aconteceu contra estes dous militantes comunistas foi todo o contrário.

No entanto, todas estas agressons estám a ser enfrentadas com valentia e determinaçom polo nosso povo na rua. Assim um autocarro com destino a Madrid sairá desde Galiza para mostrar a solidariedade com os quatro militantes independentistas acusados de injúrias à Coroa. Também nos últimos dias duas manifestaçons denunciárom as detençons dos vizinhos de Corunha e Vigo.

Só a resposta revolucionária galega pode parar a repressom espanhola.