BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Adessom de BRIGA às Bases Democráticas Galegas

imagem

Após termos manifestado o nosso apoio às diferentes iniciativas promovidas por várias organizaçons perante o trascendental horizonte de mudança da situaçom política actual, tanto a nível estatal, ao nos somarmos ao denominado DocumentoTripartito, como a nível Europeu, com a nossa activa participaçom na Plataforma polo NOM à Constituiçom Europeia, queremos agora igualmente informar da nossa adessom às Bases Democrática Galegas.

A raiz da capitulaçom do autonomismo ao renunciar por vez primeira a direitos que há só 10 anos semelhava imposível dissociar de qualquer organizaçom que se definira nacionalista e de esquerdas, como o direito de autodeterminaçom mencionado ou o monolingüismo social. BRIGA avalia muito positivamente a criaçom das BDG.

De BRIGA consideramos imprescindível o impulsionamento de estruturas suprapartidárias que volvam pôr enriba da mesa a reivindicaçom de um dos direitos democráticos fundamentais do povo galego: O direito de Autodeterminaçom.

Porque a mocidade revolucionária galega, a mocidade mais consciente e combativa do nosso povo, se decata de que no contexto actual em que as burguesias e elites autonómicas estám num processo de negociaçom para estabelecerem um novo marco estatal que tente assentar de vez o projecto nacional espanhol, o projecto do capital, o projecto comum em que se sinta cómodo tanto o oligarca espanhol como o burocrata-autonomista ou o pseudo-independentista de ERC, é quando mais firmemente cumpre defendermos as nossas posiçons, os nossos direitos. É quando mais rijos temos de ser para desenmascarar esta nova farsa que pretende adaptar as já obsoletas ferramentas de opressom da oligarquia (a fascista Constituiçom espanhola e os seus mesquinhos Estatutos de Autonomia) para as fazerem mais eficaces e efectivas. Para as adaptarem à nova conjuntura e seguirem a roubar outros 25 anos o povo trabalhador galego, e especialmente os sectores mais indefensos, isto é, a mocidade e as mulheres. Seguir a oprimir a nossa naçom para alcançar o objectivo que tem o ruim capitalismo espanhol para ela, a sua morte e total desapariçom.