AGIR contesta campanha de intoxicaçom mediática

Fevereiro de 2008

A mobilizaçom estudantil que recebeu a dirigente do PP Maria San Gil na Universidade de Compostela está a servir de coarctada para umha impresinante campanha de intoxicaçom mediática que tem a esquerda independentista galega, e concretamente a AGIR, no seu alvo.

Os mesmos meios de comunicaçom que ignoram os problemas do estudantado ao maior parte do ano lançarom-se a umha delirante ofensiva de calúnias, da que incluso participam os programas basura das principais cadenas da televissom espanhola, que som o perfeito caldo de cultivo para as medidas repressivas que o próprio Conde-Pumpido reclama.

A seguir reproducimos o comunicado feito público por AGIR, na que contesta, desde firmeza que a tem caracterizado desde a sua fundaçom, a ridícula, mas preocupante em quanto que reflexa o estado de saude da chamada democracia espanhola, campanha de intoxicaçom mediática.

Comunicado de AGIR

1. Reiteramos que nom convocamos acto algum. Que se aporte prova documental em contra desta afirmaçom se alguém tem acesso a algumha convocatória realizada em nome da organizaçom estudantil da esquerda independentista.

2. A participaçom no acto de protesto (que segundo alguns meios superou o meio cento enquanto que outros falam de duas dúzias) superou a trintena de pessoas, todas/os eles/as estudantes da USC, agás excepçons que desconhecemos. A presença de jovens adscritos/as ou nom a outras entidas políticas, partidárias, ou organizativas de qualquer tipo, é um facto que todos os meios ocultam: onte estivo presente o estudantado da esquerda nacional em bloco, nom AGIR em exclusiva, nem muito menos.

Engana-se portanto a Decana ao ligar indistintamente o estudantado partícipe e AGIR. Se está por abrir expedientes, vai-se encontrar com 30 e pico jovens de diversas tendências e sensibildiades.

3. Engana-se também a Decana se pretende que qualquer medida contra AGIR a nível institucional nos vaia frear. AGIR JÁ TEM MEDIDAS EXCEPCIONAIS APLICADAS SEM CADUCIDADE POLO GOVERNO DA USC. APENAS TEMOS ESPAÇO FÍSICO ONDE CONSERVAR O NOSSO MATERIAL E NOM RECEBEMOS NENGUM SUBSÍDIO INSTITUCIONAL.

4. Engana-se, ainda, a Decana repressora e todo o que quiger pensar como ela, quanto aos possíveis expedientes: AGIR SOLICITA AOS MEIOS QUE FALAM DE AGRESSONS, À DECANA QUE FALA DE EXPEDIENTES, etcétera... QUE NOS DEM UMHA SÓ PROVA VISUAL QUE ACREDITE QUE ALGUM ESTUDANTE BATEU EM MARIA SAN GIL OU ALGUM DOS SEUS MACACOS. Nós falamos claro; nom temos nada a agochar.

5. SOLICITAMOS À DECANA QUE INCLUA NO EXPEDIENTE DE QUE FALA A INTRODUÇOM DE ARMAS NOM REGULAMENTÁRIAS NUM ESPAÇO ONDE, PARA MAIS "IRONIA", ESTA PROIBIDO INTRODUZIR QUALQUER ARMA. Falamos da "PORRA EXTENSÍVEL" EMPREGUE POR UM DOS GORILAS DE SAN GIL PARA AGREDIR-NOS, ATÉ O PONTO QUE RACHOU COM ELA. ESTÁ A DECANA AO TANTO DISTO? PREOCUPA-LHE ESTE FEITO? Esperamos umha resposta.

6. AGIR já sofreu umha expulsom dum militante, na época da LOU, da USC. Nem esse facto paralisou a nossa actividade, nem qualquer medida sancionadora impedirá que a força do estudantado de esquerdas e independentista que se organiza se paralise. AGIR ESTÁ NA USC PARA FICAR NELA, nom o esqueçam.