Já som cinco os estudantes imputados pola mobilizaçom contra a presença de Maria San Gil na Universidade

Fevereiro de 2008

+ info na página de AGIR
Após a detençom dods dous estudantes a passada sexta-feira, que ficarom em liberdade com cargos no Sábado após declarar nos julgados, producirom-se três novas detençons relacionadas com a mobilizaçom estudantil que o 12 de Fevereiro acompanhou a presença de Maria San Gil na Faculdade de CC Económicas em Compostela.

O terceiro estudante apresentou-se de forma voluntária a segunda-feira na esquadra policial de Compostela e o quarto foi detido na manhám de hoje, terça-feira. Sobre a detençom do quinto estudante ainda nom há dados, ainda que já se encontra declarando nos julgados de Compostela junto com o estudante detido esta manhám.

Resposta estudantil em marcha
A mobilizaçom da passada sexta em solidariedade com os dous militantes de AGIR detidos e com o resto de estudantes identificados pola decana fascista Maria Teresa Cancelo, foi a melhor prova do artelhamento da resposta popular a esta campanha de intoxicaçom e criminalizaçom do estudantado galego.

Ante as detençons de hoje, o movimento estudantil volveu reaccionar com contundência e além do trabalho agitativo de denúncia, convocarom umha concentraçom as portas dos julgados nos que vam tomar declaraçom aos estudantes e umha mobilizaçom às 20h00 na Praça do Pam.

Segundo informa AGIR no seu web, há convocada para a quinta-feira dia 21 umha Assembleia estudantil para tratar a resposta as detençons e atalhar a ofensiva dos meios de comunicaçom que manipularom de forma descarada o acontecido o 12 de Fevereiro em Compostela.

De BRIGA manifestamos mais umha vez a solidariedade com @s companheir@s que primeiro forom golpead@s e depois assinlad@s e criminalizad@s por exercer a liberdade de expressom e manter as aulas da faculdade a salvo de personagens da calanha de Maria San Gil.