Feminismo galego desafia proibiçom e mantém mobilizaçons no 8 de Março

Março de 2008

Apesar da denegaçom por parte da Delegaçom do Governo na Galiza das autorizaçons para as tradicionais mobilizaçons do feminismo no 8 de Março, as entidades convocantes mantenhem as convocatórias previstas e na Galiza, o Dia da Mulher Trabalhadora, as mulheres volverám sair a rua para rivindicar o fim do patriarcado.

A Delegaçom do Governo na Galiza denegou as autorizaçons alegando que o 8 de Março coincide com o chamado "dia de reflexom", prévio às eleiçons espanholas que se celebrarám o Domingo 9 de Março. Mas as reacçons do feminismo galego nom se figerom esperar e Mulheres Nacionalistas Galegas denunciou num comunicado que a proibiçom dos actos convocados para o 8 de Março é "umha das mais graves agressons contra o feminismo que sofremos desde a transiçom", à vez que anunciava a intençom de celebrar as mobilizaçons previstas.

De BRIGA saudamos e aderimos a firme e exemplar decissom do feminismo organizado e fazemos um chamamento à participaçom activa nas mobilizaçons convocadas.

NEM UM PASSO ATRAS, AS MULHERES NOM PODEMOS PERDER DIREITOS!
ACTOS PROGRAMADOS PARA O DIA 8 DE MARÇO DE 2008
-Ponte Vedra: Às 20 h na Praça 8 de Março.
-Vigo: Às 12 h na Praça 8 de Março.
-Ourense: Às 13 h diante do Julgado.
-A Corunha: Às 12 h na Praça de Quatro Caminhos.
-Ferrol: Às 12 h diante do Julgado (R/ Corunha).
-Compostela: Às 20 h na Praça 8 de Março.