BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Jovem catalám continua em prisom acusado de esfarrapar umha bandeira espanhola

imagem

Maio de 2008

Lberdade para Franki

Francesc Argemí, mais conhecido como Franki, foi levado a prisom por juízes espanhóis acusado de “ultragens à bandeira espanhola”. O moço permanece em prisom desde que no passado mês de Abri foi abordado por um carro da polícia autonómica catalá.

Franki, vizinho de Terrassa é acusado de ter esfarrapado a bandeira espanhola da Cámara municipal após umha manifestaçom decorrida o dia das festas desta cidade catalá. A manifestaçom que tinha como objectivo protestar contra a presença das bandeiras espanhola e da Uniom europeia na fachada do prédio municipal acabou cumha brutal carga policial e com o símbolo imposto a ferro e fogo polo fascismo espanhol no 36 esfarrapado.

A detençom deste rapaz causou umha grande comoçom na sociedade catalá e tem sido denunciada por numerosos colectivos e forças políticas, além de numerosos intelectuais cataláns. Por um lado o Franki nega ter participado nos factos pois, como várias testemunhas tenhem corroborado, estava a ajudar com outros companheiros e companheiras na montagem das festas alternativas que os colectivos populares da sua vila organizam cada ano. Por outro lado, há umha grande indignaçom por que umha pessoa poda ser encarcerada por rachar umha bandeira espanhola.

Umha plataforma foi criada para exigir a liberdade imediata do Franki condenado a passar dous anos e sete meses numha cela. Na sua página web assinalam o governo local de Terrassa, os juízes, o governo tripartido catalám e as leis espanholas como os principais responsáveis desta esperpéntica detençom.

Da Galiza também queremos somar a nossa voz à do povo catalám que exige justiça e liberdade para Franki e denunciar a existência de leis como a de ultrangens aos símbolos espanhóis que levam a prisom as pessoas compriometidas com a luita de libertaçom nacional dos seus povos. Nengumha lei pode fechar a boca dos povos que luitam, liberdade para Franki!