Dous jovens antimilitaristas som condenad@s e o terceiro absolvido no julgamento da BRILAT

Especial Nom mais julgamentos a antimilitaristas

Junho de 2008

A passada semana os julgados de Ponte Vedra notificavam a sentença do juizo contra @s três jovens antimilitaristas acusados de injúrias ao exército espanhol e maltrato a membros das FA.

A sentença recolhia a absoluçom do companheiro Anjo Torres dos dous delitos imputados, assim como a d@s companheir@s Alexandre Rios e Antia Marinho do delito de maltrato a membro das forças armadas. Mas nom acontecia assim com o delito de injúrias ao exército espanhol, polo que ambos fôrom condenad@s ao pago dumha multa de 2190 euros cada um/umha.

A organizaçom recebe com satisfaçom relativa as novas, já que estas multas som umha portagem de passo obrigado para a juventude que denúncia o papel histórico e actual do exército espanhol. Enmarcadas nos delitos contra a honra, a origem decimonónica e retrógrada desta legislaçom nom impede que esteja interessadamente empregada pola judicatura pontevedresa: A palavra assassino aplicada a um militar é umha definiçom, nom um insulto, e nunca deveria dar lugar a multas astronómicas como as que mostra a sentença.

Este falho também acompanha a umha nova campanha impulsionada por Delfín Fernándes, subdelegado do governo espanhol em Ponte Vedra, que anunciou nos médios umha nova política de anulaçom parcial do direito à concentraçom na rua, já ensaiada polo governo municipal na nova ordenança contra o botelhom que entra em vigor no presente mês, e que vem a restringir a um ponto intolerável o direito a livre tránsito e reuniom na via pública, mais próprio dos anos cinqüenta da ditadura franquista que desta descascada democracia de capa caída.

A organizaçom quer fazer um chamado à solidariedade activa com @s repressaliad@s, e à denúncia em todos os foros possíveis deste golpe contra a liberdade mais básica e inegociável.