BRIGA participa na mobilizaçom do Orgulho convocada por Aturuxo

Campanha Quem cho impede? Liberdade sexual, o nosso direito

Junho de 2008

O 28 de Junho, Dia do Orgulho LGTB, BRIGA participou com faixa própria na mobilizaçom nacional convocada pola Federaçom de Associaçons LGTB da Galiza, ATURUXO sob a legenda “Existo, por que nom me vês? Mulher, lésbica, visível”.

A mobilizaçom partiu passadas às 18h00 da Alameda compostelana, encabeçada por umha faixa de Aturuxo, seguida dumha grande bandeira do movimento LGTB. Durante o percorrido, principalmente polas ruas da Zona Velha de Compostela, o colectivo Panteras Rosas, precintou de maneira simbólica as portas das igrejas no transcurso da manifestaçom, à vez que colocavam um cartaz de fechado. Também à altura do colégio religioso da Companhia de Maria, o mesmo colectivo colocou umha faixa com a legenda “Por um ensino laico e nom patriarcal, a religiom fora da escola”.

A manifestaçom rematou na Paraça da Quintana, representantes do colectivo convocante lerom um manifesto que daria passo ao concerto que encerraria os actos convocados por Aturuxo, que já começaram ao meio-dia no Parque de Belbis.

BRIGA, igual que NÓS-Unidade Popular, participou portando umha faixa própria com a palavra de ordem “Contra a homofobia e o heterosexismo. Liberdade sexual, o nosso direito”, alussiva a campanha nacional iniciada há poucas semanas.

"Fechando" igrejas

Também EL Correo Gallego foi denunciado por homófobo

NÓS-UP participou na mobilizaçom com faixa própria