24 de Julho: Contra Espanha e o Capital. Desobediência e resistência

Especial IV JRJ: Contra Espanha e o Capital. Desobediência e Resistência

Julho de 2008

A Jornada de Rebeliom Juvenil com a que milhares de jovens encetarom nos últimos três anos o percurso do Dia da Pátria Galega, atinge a sua quarta ediçom sob a legenda “Contra Espanha e o Capital. Desobediência e resistência”.

O 24 de Julho, data referencial para o movimento juvenil independentista, tem servido de marco para mostrar à juventude galega o projecto que a nossa organizaçom representa. Umha organizaçom juvenil patriótica e anticapitalista que tem na juventude galega o centro do seu agir diário.

Palestras, concentraçons, concertos, acçons reivindicativas, arengas e actos políticos, isto é o que tem sido o acto central de BRIGA estes três últimos anos.

Este ano mais umha vez organizaremos no Parque de Belbis, na capital da Galiza, um concerto para que desfrutedes da música dos grupos galegos Esterko, Arenga e Trapalhada e dos cataláns Pirat’s Soud Sistema e La Gossa Sorda. Aliás, umha manifestaçom partirá às 22h00 da Praça do Toral para levar às ruas compostelanas à voz da juventude galega rebelde que nem se rende nem cala frente ao imperialismo espanhol. Nos vindouros dias continuaremos a informar-vos das novidades que vaiam surgindo em relaçom à organizaçom desta jornada de luita e festa.

Esperamos contar convosco para que o berro de Independência, Socialismo e Antipatriarcado esteja presente ao longo de toda a noite com força e orgulho.