Dia da Pátria. Soberania Nacional

Julho de 2008

Por segundo ano consecutivo, Causa Galiza convoca a manifestaçom nacional do Dia da Pátria. A entidade que agrupa ao soberanismo de esquerda, chama a a participar na sua mobilizaçom do 25 de Julho que se desenvolverá sob a legenda “Soberania nacional” e que mais umha vez reclamará o direito de autodeterminaçom nas ruas de Compostela.

A mobilizaçom foi apresentada numha rolda de imprensa celebrada em Compostela, na que membros da Porta Vozia da iniciativa figerom público o manifesto que será distribuído maciçamente no Dia da Pátria.

Como já temos feito com outras iniciativas convocadas por Causa Galiza, BRIGA adire à mobilizaçom e fai um chamamento à juventude galega a participar na marcha em defesa dos direitos nacionais da Galiza, que partirá da Alameda de Compostela às 13h30.