BRIGA participa no acto de homenagem a Moncho Reboiras convocado por NÓS-Unidade Popular

A homenagem, convovado sob a legenda “Moncho Reboiras, o teu povo nom esquece”, contou com a intervençom de Bruno Lopes, em representaçom de NÓS-Unidade Popular, e mais um ano de BRIGA, na pessoa de Cristina Corral, Responsável do Grupo de Base de Trasancos.

Ao remate das intervençons descobriu-se umha placa em memória do Moncho Reboiras e para finalizar o acto, cantou-se o hino nacional.

A seguir, repoducimos a intervençom da companheira da BRIGA

Antes de mais desde BRIGA queriamos agradecer a possibilidade de dar voz à juventude revolucionária num acto destas características, que mais um ano organiza a Assembleia Comarcal de NÓS- Unidade Popular em Trasancos.
Já vam 33 anos de que um jovem coma nós, com apenas 26 anos de idade, era assassinado polas balas fascistas da polícia espanhola ante este portal nº 27 desta ferrolá rua da Terra.
Foi assassinado num mês de Agosto de 1975 que foi caracterizado pola desproporcionada ocupaçom militar da nossa Terra na procura de ceifar umha das cabeças mais lúcidas que estava à frente do projecto de libertaçom nacional galega, -como sem dúvida foi o Moncho-, e desta maneira assestar um golpe repressivo à auto-organizaçom popular que desde parámetros nacionais e de esquerda se vinha produzindo desde finais da década de 60 e princípios dos 70.
O conjunto da esquerda independentista deve continuar a re-lembrar mais um ano que este tipo de actos de homenagem som importantíssimos para nós, porque temos que manter vivo o legado político e ideológico que pessoas como o Moncho nos deixou e extrair umha ensinança fulcral: a atitude d@ militante coerente e conseqüente com os ideais revolucionários nos que cria profundamente.

Antes mort@s que escrav@s!!!!
Viva Galiza ceive, socialista e nom patriarcal!!!