Dia da Galiza Combatente dedicado às luitadoras galegas

Outubro de 2008

Por oitavo ano consecutivo, NÓS-Unidade Popular comemorará o próximo 11 de Outubro o Dia da Galiza Combatente. Se o passado ano, em tam significativa data homenageamos às e aos combatentes internacionalistas galeg@s, nesta ocassom a jornada estará dedicada às luitadoras galegas.

Sob a legenda “A luita pola independência também tem nome de mulher”, NÓS-Unidade Popular programou umha série de actos em Valdovinho, na comarca de Trasancos. O acto central da jornada será um acto político, desta vez no farol de Meirás no que intervirá umha companheira da Mesa Nacional em representaçom de BRIGA e umha membro da Direcçom Nacional da organizaçom política da esquerda independentista. A seguir, celebrará-se no cemitério de Meirás umha homenagem à combatente galega Lola Castro e para rematar um jantar de confraternizaçom num local da zona.

No sítio web de NÓS-Unidade Popular podedes consultar os horários dos autocarros fletados para assistir o acto, assim como a informaçom sobre o jantar de confraternizaçom.