Dossier da campanha sobre libertaçom sexual

Campanha Quem cho impede? Liberdade sexual, o nosso direito

Outubro de 2008

Quando nos achegamos ao seu equador, oferecemos-vos no nosso sítio web o dossier elaborado como suporte da campanha nacional “Quem cho impede? Liberdade sexual, o nosso direito”.

O dossier consta de duas partes bem diferenciadas. Na primeira, intitulada “Juventude e luitas sexuais”, abordamos a repressom e controlo da sexualidade, concretamente da feminina, elemento basilar da opressom patriarcal, assim como do enquadramento da luita por umha sexualidade livre no projecto emancipador defendido por BRIGA.

A segunda parte leva por título “Política do bipartido na sexualidade juvenil” e nela abordamos de forma minuciosa a situaçom da sexualidade juvenil na Galiza de hoje, ao tempo que avaliamos a actuaçom, ou mais bem a ausência de actuaçom, da Junta tem desenvolvido nestes últimos anos.

Com a elaboraçom e publicaçom deste dossier, que além da rede será distribuído em papel e em formato digital, damos-lhe continuidade ao esforço iniciado no nosso II Congresso Nacional, em cujos textos eram analisadas criticamente as mudanças introduzidas polo PSOE e BNG à hora de mudar um panorama devastado por 16 anos dum fraguismo, que afirmava orgulhoso que morreria sem usar um preservativo.

Esperamos que atopedes útil o dossier que agora vos oferecemos, criado com o objectivo de servir como ferramenta para um abordamento da sexualidade desde umha óptica revolucionária.