Continua detido o militante de BRIGA. A polícia espanhola acusa de agressom ao agredido

Maio de 2005

O militante de BRIGA Sérgio Pinheiro continua detido em dependências policiais da cidade de Vigo. Após a sua brutal detençom por parte da polícia local e espanhola, da que achegamos imagens, durante a qual foi repetidamente espancado enquanto jazia indefeso no chao, foi conduzido em furgom policial até a esquadra espanhola, onde permanece até o momento.

Mais dumha trintena de pessoas concentrárom-se diante da esquadra, em solidariedade com os detidos, sendo evacuados das suas inmediaçons por efectivos policiais.

Às 19:30 horas o advogado pudo encontrar-se com o Sérgio para assistir a sua declaraçom, sendo este acusado da agressom a um polícia local durante os enfrentamentos que tivérom lugar durante a manifestaçom da manhá.

Semelhante acusaçom, para além de ser um despropósito -o nosso companheiro estivo durante todo o percorrido da manifestaçom tirando fotos no cortejo de BRIGA-, nom deixa de ser a resposta repressiva da impotência policial, que ante os ataques contra bancos acaecidos durante a manhá, precissavam um chivo expiatório, umha cabeça de turco em que empregar a fundo as suas dotes de matons e cans a soldo.

Nas próximas horas, continuaremos facilitando informaçom sobre esta nova agressom e a situaçom dos detidos.