Constitue-se plataforma por Palestina na Estrada

Janeiro de 2009

Em plena ofensiva criminal de Israel contra o povo palestiniano confinada em Gaza, na Galiza seguem a artelhar-se novas respostas do movimento popular. Desta vez foi na Estrada, na comarca de Taveirós, onde se vem de constituir a “Plataforma A Estrada por Palestina” que aglutina diversas entidades vizinhais, culturais e políticas e na que participa BRIGA.

A Plataforma nasceu com umha clara vontade mobilizadora e na linha do aprovado na reuniom nacional celebrada a quarta-feira 7 de Janeiro em Compostela por iniciativa de Galiza por Palestina, convocarám umha manifestaçom para o Sábado dia 10 às 20h00 na Praça do Concelho. Na reuniom da Plataforma, também se decidiu potenciar a assistência à mobilizaçom nacional convocada para o Domingo 18 de Janeiro que partirá às 12h00 da Alameda de Compostela.

Ante a gravidade dos acontecimentos em Gaza e a vergonhenta passividade da chamada “comunidade internacional”, é urgente artelhar e intensificar as mobilizaçons em solidariedade com Palestina para exprimir na rua o amplo rejeitamento do povo galego à o terrorismo nazi-sionista praticado polo Estado de Israel.