18 de Janeiro em Compostela. Paremos o terrorismo nazi-sionista! Palestina vencerá!
Janeiro de 2009
A proposta de Galiza por Palestina, umha boa parte do tecido político, social e cultural galego, decidiu convocar umha grande mobilizaçom nacional contra a agressom nazi-sionista contra Gaza. A mobilizaçom, que lhe dará continuidade à multidom de iniciativas comarcais postas em andamento por todo o País ao pouco de têr começado os bombardeios, terá lugar o Domingo 18 de Janeiro e partirá às 12h00 da Alameda de Compostela.
BRIGA, assim como o conjunto das entidades da esquerda independentista, participa activamente no movimento popular que com o passo dos dias se foi artelhando em vilas e cidades galegas. Agora secundamos esta mobilizaçom nacional e fazemos um chamado urgente ao conjunto da juventude galega a assistir maciçamente.
Paremos o terrorismo nazi-sionista de Israel!
Adiante a resistência na Palestina!
O 27 de Dezembro o governo sionista de Israel iniciou umha campanha militar contra o povo palestiniano dumha atrocidade com poucos precedentes. O feroz ataque aéreo e terrestre sobre solo palestiniano assessinou já mais de 660 pessoas e feriu a mais de 2600.
Após o ataque, a “comunidade internacional” nom fijo mais do que umha vergonhenta condena rumada a exonerar ao sionismo de culpabilidade. A operaçom militar israelita mais sanguenta desde a Guerra dos Seis Dias de 1967 produz-se sob o guarda-chuvas dos EUA, da UE, da ONU e dos mass-meia burgueses que insistem em assinalar Hamas como principal responsável dos bombardeios israelitas. As declaraçons oficiais do ministro de Asuntos Exteriores espanhol casam como umha luva com este patrom.
Invoca-se a chamada “luita anti-terrorista” para justificar o brutal terrorismo de estado contra populaçom civil, silenciando as fontes que certificam que esta operaçom levava preparada desde há 6 meses. Repete-se até a náusea que “Israel nom foi quem rompeu a paz”, e que “nom ficava mais remédio que atacar”. Pom-se assi a fábrica de mentiras a funcionar: Converte-se aos verdugos em vítimas, aos assassinos em agredidos, mas a realidade segue acima da mesa: Centos de homens, mulheres, crianças e anciáns massacrad@s polos mísseis sionistas.
Contando com a luz verde internacional, o ministro de Defesa de Israel Ehud Barak assegura, bem certo de que nom haverá conseqüências por parte dos seus sócios europeios e ianques, que os ataques continuarám enquanto já se iniciou terrestre. Ao tempo, as fronteiras seguem fechadas à entrada da ajuda sanitária excepto três horas ao dia, depois de serem bombardeados armazéns de medicamentos ao Sul de Gaza.
A juventude revolucionária organizada em BRIGA quer manifestar o incondicional apoio a luita de Palestina contra o imperialismo, e denunciar a hipócrita inumanidade do estado nazi-sionista de Israel, assim como a misserável actuaçom dos estados europeios e ianque, que passarám a história como instigadores, sufragadores e cúmplices do genocídio.
