Saudaçons internacionais ao III Congresso Nacional
Especial III Congressso Nacional. Tempo de crise, tempo de luita
Janeiro de 2009
Forom várias as organizaçons e entidades doutros povos que quigerom enviar um saudo ao nosso III Congresso Nacional. As saudaçons forom lidas no acto de clausura do Plenário e serám publicadas, junto com a Tese Política aprovada e as intervençons das organizaçons nacionais presentes no Congresso.
A seguir, reproduzimos as saudaçons cegadas desde a América insugente, desde os Países Cataláns, de Euskal Herria, Castilla e Canárias.
Saudaçom Coordenadora Continental Bolivariana
Recebide, irmaos e irmás de BRIGA, o cálido alento da Coordenadora Continental Bolivariana. Sabemos da importáncia do vosso III Congresso, destinado a examinar a crise capitalista mundial, os seus efectos sobre Galiza, Europa e todo o mundo.
Tempo de crise é certamente tempo de luita. E as grandes crises coma a actual precisam grandes respostas desde as juventudes e os Povos do mundo.
Confiamos na vossa capacidade para multiplicar a vossa audácia, para ser cada vez mais intrepepid@s, como o exigem estas peculiares circunstâncias. Confiamos na vossa firmeza na luita pola independência de Galiza, pola libertaçom das vossas mulheres e pola emancipaçom social das vossas classes exploradas e sectores oprimidos.
Os desafios som enormes e nom temos dúvidas de que vós, como alta expressom combativa da juventude galega, tendes plena consciência disso.
O imperialismo decadente e pentagonizado dá paus a umha e outra banda: em Afeganistám, o Iraque, e Palestina exibe hoje toda a sua crueldade, filha da desesperaçom.
O seu sistema está a tremer pola crise mais profunda da sua história e a sua política de guerra global está empantanada. O seu aliado sionista banha-se em sangue heroica do Povo palestiniano na franja de Gaza e concita o maior descrédito mundial da sua história de genocídios.
A sua estrategia de recolonizaçom neoliberal está a afundir-se ao compás das rebeldia político-sociais destes tempos. E nesse contexto a nossa América está decidida a conquistar a sua segunda independência e avançar hacia a nova democracia e o novo socialismo.
Desde a Pátria Grande de Bolívar e do Che abraçamos-vos, desejando-vos sucesso e recordando-vos que há muito de certo naquela frase de que “quando o ceu se torna mais escuro é porque vai amencer mais cedo”:
Confiamos em vós e sabemos também que vós confiades neste fermoso projecto bolivariano.
Em Bolívar e n@s heroínas e herois da Galiza nos atopamos tod@s!
Narciso Isa Conde
Presidência colectiva da CCB
Saudaçom Maulets
Companheir@s de BRIGA!
Como jovens oprimidas e oprimidos polo mesmo Estado e polo mesmo sistema, nom podemos deixar de sentir-nos identificados com a vossa luita nacional, social e contra o patriarcado, eixos de lutia que desde os Països Catalans compartilhamos fortemente.
Desde Maulets, el Jovent Independentista i Revolucionari, queremos aproveitar a celebraçom do vosso III Congresso Nacional para enviar-vos umha forte aperta internacionalista.
Como jovens oprimidas e oprimidos polo mesmo Estado e polo mesmo sistema, nom podemos deixar de sentir-nos identificados com a vossa luita nacional, social e contra o patriarcado, eixos de luita que desde os Països Catalans compartilhamos fortemente.
Numha etapa histórica onde as bases do capitalismo começam a se abanear, @s jovens revolucionári@s de todo o mundo devemos reagir e mostrar-nos mais unidas e unidos que nunca para oferecer umha resposta contundente e umha alternativa férrea. Numha etapa histórica onde as crises do liberalismo agudizam a exploraçom laboral d@s jovens e precarizam ainda mais as nossas vidas, devemos utilizar a valiosa ferramenta do internacionalismo para fortalecer a nossa luita e poder golpear com força este sistema desde todos os pontos do planeta.
Nom esqueçamos que somos dous povos baixo o mesmo jugo estatal que nos oprime culturalmente, minorizando as nossas línguas, assim como os nossos anceios de decidir como povo. Este estado que responde com “porras” à nossa resistência é o mesmo que julga aos/às jovens cataláns/ás e galeg@s na Audiência Nacional por deixarem bem claro que a sua monarquia nom nos representa e que nom a queremos!
Como jovens revolucionári@s e com consciência nacional, estes som alguns dos problemas que nos afectam e que devemos combater unid@s, cada um no seu fronte geográfico, mas sempre com umha vissom global dos problemas. Nom devemos esquecer entom a luita antipatriarcal, inseparável das outras devido a que é umha peça mais do sistema que juntos, a juventude catalá e galega derrubaremos para nom voltar a sentirmos falar de mais mulheres exploradas polo seu género ou de jovens penalizadas por terem exercido o seu direito a decidir sobre o seu próprio corpo.
Deste jeito, desde os Països Catalans, reafirmamo-nos na nossa solidariedade com o Povo galego e parabenizamos BRIGA por este Congresso de grande importáncia.
Països Catalans e Galiza: dous Povos, a mesma luita!
Saudaçom CAJEI
Car@s companheiros e companheiras de BRIGA,
Somos conscientes de que durante estes dias teredes estado trabalhando dura e intensamente em debates e reflexons sobre a crise capitalista, a classe trabalhadora galega e o papel da juventude na luita pola alternativa socialista a nível mundial. Alternativa que passa pola independência das nossas naçons, a democracia popular no trabalho e a fim do patriarcado nas nossas sociedades.
Por isso nom queremos prolongar-nos neste comentário.
Somente, aproveitar a ocasiom para vos dar um forte abraço revolucionário, significativo de todo o que nos une: a luita juvenil pola independência e o socialismo desde os nossos territórios e contra a ofensiva capitalista mundial.
Hoje é este texto, e esperemos que amanhá seja a nossa presência física. Mas a situaçom é que cada dia somos mais os e as jovens organizadas em Galiza e os Països Catalans. É por isso que somos mais fortes e mais capazes, também, de estabelecer laços de solidariedade internacionalista entre nós. A coomperaçom e o trabalho revolucionário em comum faram-nos, sem dúbida, mais fortes.
Em tempos de “crise” é necesário lembrar a velha consigna: “o Povo unido jamais será vencido”. Este é o nosso dever, como jovens e como revolucionárias: unir os nossos povos na luita pola independência e o socialismo.
Um forte abraço,
Visca la terra!
Saudaçom SEGI
Gora Herriak!
Que vivam os povos!
Nestes momentos tam difícis, quando os estados tenhem activados todos os mecanismos de opressom, a organiza SEGI manda um grande saudo revolucionário desde Euskal Herria.
Vemos mui importante que a juventude da Galiza se organice contra o Estado e em favor dos direitos dos povos a poder decidir sobre o nosso futuro. O caminho será largo e duro, somos concientes, mas ainda assim nengum ataque contra a juventude organizada poderá parar as nossas ánsiasde luitar por um país livre e com jovens livres; nem ilegalizaçons, nem as torturas, nem nengum outro meio repressivo.
É claro que se a juventude está no alvo do poder hegemónico é porque temos capacidade de trocar a sociedade e criar alternativas próprias. Por isso a juventide deve estar organizada, seja na Galiza, Euskal Herria, Paises Cataláns, Castela ou Palestina. Devemos respostar ao inimigo desde cada naçom, e deixar claro que nom estamos despost@s a parar até que os nossos direitos sejam reconhecidos, ainda que tenhamos que utilizar a força para lográ-lo.
Borroka da bidea!
A luita é o caminho!
Saudaçom Yesca
Desde Castela queríamos mandar umhas palavras de apoio à organizaçom juvenil galega revolucionária BRIGA nestas jornadas de formaçom, aprendizagem e decissom.
Nestes tempos nos que se agudizam as contradiçons do sistema capitalista, nestes tempo nos que querem que de novo a juventude volte pagar as conseqüências dos seus erros, a nós só nos resta luitar. Nom nos resta outra opçom, estamos forçad@s a fazê-lo. Nós somos a chama da esperança, a chama da revoluçom. Somente golpeando os tres piares da opressom que vive o povo trabalhador em todo o mundo, e que nom som outros que o imperialismo, o capitalismo e o patriarcado, a través das luitas de libertaçom nacional, social e sexual, poderemos construir um futuro de liberdade. A única soluçom é medrar mediante a unidade, aprender mediante o internacionalismo activo e tecer redes de luita entre os povos.
Por isso queremos apoiar a vossa actividade, alentar-vos a continuar trabalhando por umha Galiza socialista, polo desenvolvimento de MLNG e por acabar com o fascismo sexista. Que as nossas palavras de solidariedade sejam os vossos anceios de resistência.
Viva Castilla Comunera!
Viva Galiza livre!
Saudaçom Azarug
Desde as Ilhas Canárias enviamos-vos umha aperta a tod@s @s patriotas galeg@s. Desejando-vos que cumprades os objectivos que vos marquedes neste III Congreso. O vosso sucesso também será o nosso.
Continuemos a abrir de par em par novas portas cara a independência e o socialismo nas nossas respectivas naçons.
Muita canha contra Espanha!