BRIGA contesta palestra anti-galega em Compostela

Janeiro de 2009

Apesar da nutrida presença de polícia de choque e de seguridade privada desplegada na entrada da Aula de Cultura de Caixa Galiza, dous jovens lograrom entrar na palestra anti-galega que o colectivo “Galicia Bilingüe” programara para a sexta-feira dia 23 em Compostela.

Quando umha representante de "Galicia Bilingüe" apenas levava cinco minutos de conferência, @s jovens começarom a lançar consignas em defesa do galego e contra a propaganda espanholista. A reacçom das pouco mais de vinte pessoas que seguiam a palestra foi bem significativa e representativa do programa xenófobo que defende “Galicia Bilingüe”. Ademais de insultos vários, @s jovens eram despedid@s da sala ao berro de “paletos”.

Mentras isto ocorria dentro da Aula da Cultura, na rua vári@s jovens que nom puideram acceder à conferência eram identificad@s e memso golpeados polo dispositivo policial que a Delegaçom do Governo colocou para dar-lhe cobertura à propaganda anti-galega. A concentraçom prevista às portas do prédio de Caixa Galiza finalmente tivo que desplazar-se à umha rua cercana já que a polícia espanhola impediu que se permanecesse na Carreira do Conde.

O próximo 8 de Fevereiro o espanholismo planteja um novo repto às forças que apostamos por umha Galiza em galego. Se nom se combate, o fascismo avança, por isso a mobilizaçom anti-galega que pretendem celebrar em Compostela é um desafio ao que de seguro a juventude galega responderá com contundência.