Homenagem a Marti e debate sobre a Revoluçom cubana

Janeiro de 2009

O passado Domingo e a quinta-feira, Vigo e Compostela acolherom sendos actos de solidariedade com a Revoluçom cubana.

O primeiro, celebrado o Domingo dia 25, foi um acto de homenagem ao patriota cubano convocada com motivo do 156 aniversário do seu natalício pola Associaçom de Amizade Galego Cubana Francisco Vilhamil. O acto, que decorreu no parque Montero Rios da cidade de Vigo, consistiu numha oferta floral ante o monumento ao Martí que foi precedido pola intervençom dum representante do colectivo convocante e Alejandro Fuente, Consul de Cuba na Galiza.

Já na quinta-feira, foi Compostela, concretamente o Centro Social Henriqueta Outeiro, a que acolheu um novo acto em defesa do processo revolucionário cubano. Como no acto de homenagem a Martí, participarom o Consul cubano, um representante da Associaçom de Amizade Galego Cubana Francisco Vilhamil e, junto com eles, um membro da Brigada Galega Fuco Gomes.

Dous actos, o de Vigo e de Compostela, que demonstram a saude do movimento galego de solidariedade com Cuba e outros povos do mundo. De BRIGA nom podemos menos que parabenizar e alentar estas iniciativas internacionalistas, mais num momento no que assistimos a umha agudizaçom das intoxicaçons e ataques contra Cuba e o seu povo, coincidindo com o 50 aniversário da Revoluçom.

Intervençom do Cónsul

Cartaz do acto do CS Henriqueta Outeiro