À atençom de Galicia Bilingüe: as provocaçons pagam-se

Fevereiro de 2009

O colectivo ultra-espanholista Galicia Bilingüe anunciou a convocatória dumha manifestaçom para o próximo Domingo 8 de Fevereiro em Compostela. O fascismo organizado nesta pantomima de plataforma tentará desfilar polas ruas de Compostela para defender o indefendível, empregando a cobertura institucional e a prepotência que lhe conferirom 40 anos de Ditadura e 31 de franquismo reformulado em democracia.

Ante esta convocatória, BRIGA manifesta:
1.- Este acto está organizado por e para o fascismo. O colectivo convocante está formado pola direita espanholista mais fanática e histérica, que disfarçou o ódio aos povos oprimidos e o medo à classe trabalhadora do golpismo fascista com um halo de duvidosa legitimidade democrática.

2.- Defender na Galiza de 2009 o bilingüismo é defender a imposiçom definitiva do espanhol como idioma único. Ninguém pode negar a evidência da marginalizaçom do galego, relegado cada vez a menos espaços. Todas as estatísticas, estudos e inquéritos respaldam esta afirmaçom. O bilingüísmo harmónico é umha estafa comprovada, o único bilingüísmo que existe é o que está a fazer desaparecer o galego em favor do espanhol. O “direito a decidir” do que fala Galicia Bilingüe, é na prática o direito do espanhol a ser a língua única na Galiza, já que aquel tem o respaldo e impulsionamento dum estado do que o nosso país carece.

3.- Nom som vítimas, som agressores escudados em mentiras. A própria Gloria Lago tem reconhecido que o espanhol goza de mui boa saúde na Galiza. O cerne das suas reivindicaçons esigem entom que o galego continue marginalizado no seu gueto até que esmoreza irremissivelmente e desapareza.

4.- A ultra-direita também estará presente. Os sectores sociais que vam acoder a esta manifestaçom nom se vam limitar à direita neo-fascista institucional. A asa da extrema-direita organizada utilizará a ocasiom para saír dos seus guetos aproveitando a mais que possível protecçom policial e o acubilho dos partidos maioritários, para fazer este dia o que nom se atrevem a fazer o resto do ano.

5.- A manifestaçom conta com o silêncio da Junta e a cobertura do estado. O colectivo, organiza este acto fascista ante a total indiferência dos partidos gestores da CAG, que guardam esse silêncio tam lucrativo que assegura cadeiras em Sam Caetano e no Parlamentinho. A Subdelegaçom do Governo espanhol, especializada em proibir actos da esquerda revolucionária, mais umha vez dá pressurosa luz verde à ocupaçom da rua por parte do neofascismo.

Todas estas razons nos levam a umha única resposta:
NOM VAMOS A PERMITI-LO.

Assim de claro. Este ataque da direita fascista e neofascista aos nossos direitos legítimos como povo som inassumíveis pola esquerda revolucionária. A juventude nom pode ficar à margem desta tentativa da reacçom de tomar o NOSSO espaço, as NOSSAS ruas, para esigir a seu direito a destruír-nos. É umha provocaçom que aceitamos sem reservas.

O Domingo dia 8 de Fevereiro de 2009, na Alameda de Compostela, Galicia Bilingüe pode contar oficialmente com a nossa assistência.