Sucesso em Vigo da concentraçom contra a sentença homófoba

Campanha Quem cho impede? Liberdade sexual, o nosso direito

Março de 2009

Na tarde do passado sábado, Vigo acolhia umha nova convocatória em repulsa da sentença absolutória ao assassino confesso Jacobe Pinheiro Rial por parte dum júri popular.

Mais de 1000 pessoas concentrarom-se na Praça da Estrela sob a legenda “Tod@s contra o tribunal homófobo de Vigo”. Cartazes e colantes portados polos que secundarom a concentraçom denuciavam que “A homofobia mata. A impunidade remata” ou “Homofobia+Racismo=Impunidade. Júlio e Al-Dani nom vos esquecemos!!”.

Numerosos colectivos LGBT e feministas galegos acudirom para reivindicar a necessidade de celebrar um “juizo justo” no que desta vez a homofobia nom evite a condena de Jacobe Pinheiro.

De BRIGA manifestamos o nosso apoio a todas as mobilizaçons que condenem a lesbigaytransfobia. Encorajamos ao movimento LGBT a denunciar esta grave violaçom da justiça mais básica por parte da maquinária judiciária espanhola para que nengumha agressom poda ficar sem resposta. É o momento de levar a rua, aos centros de trabalho e ensino etc. a reivindicaçom da liberdade sexual.

Quem cho impede? Liberdade sexual, o nosso direito!
Igreja e Estado espanhol culpáveis!