Primeiro número do Piloto e quinto do Combate

Março de 2009

Os Grupos de Base de BRIGA em Lugo e em Trasancos editarom na primeira semana de Março os seus respectivos vozeiros.

No caso do Grupo de Base de Lugo venhem de editar o primeiro número do seu vozeiro comarcal. Numha homenagem à guerrilha antifascista, o vozeiro foi baptizado como O Piloto. Neste primeiro número os conteúdos da publicaçom incluem artigos sobre a actualidade da comarca, concretamente sobre a permanência da simbologia fascista e sobre a repressom que o estudantado sofreu na passada mobilizaçom contra o Processo de Bolonha. Também inclue o vozeiro umha secçom intitulada “Galiza rebelde”. Nesta primeira entrega da secçom publica-se um artigo sobre as Brigadas Lucenses, claque antifascista de Lugo.

Também o Grupo de Base de BRIGA em Trasancos vem de editar o quinto número do Combate. Desta vez além das secçon dedicadas às breves e a informaçom nacional, o Combate inclui um artigo sobre o trabalho agitativo da organizaçom na comarca e umha entrevista ao Colectivo Anti-SIDA ferrolano “Lazos”.