BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Convocada concentraçom em Ferrol em solidariedade com o Iraque e Palestina

imagem

Novembro de 2004

BRIGA participará a sexta-feira 19 de Novembro na cidade de Ferrol numha concentraçom contra as agressons imperialistas que estám a sofrer os povos palestiniano e iraquiano.

Frente à ofensiva que o capitalismo ianque está a levar ao cabo no Oriente Médio, quer através do estado monicreque israelita quer através da sua maquinária bélica na guerra do Iraque, o único caminho é a luita organizada consciente e coerente e que só a resitência patriótica de ambos os povos será quem de rematar por esmagar esse tigre de papel que é o imperialismo. Porém a juventude galega revolucionária também somos conscientes de que cumpre sair a rua para denunciarmos perante o nosso próprio povo o que o capitalismo é quem de chegar a fazer, e de facto está a fazer, contra os povos que se negam a serem submetidos e espóliados. Todos os dias informam-nos da morte de milheiros de moços e moças que polo simples facto de defender o seu povo. Jovens som assassinad@s polas balas ianques e israelitas por luitar contra os exércitos invasores, mas a repressom vai bastante mais além das suas fronteiras. Recentemente vimos de presenciar com grande surpresa as pressons que o Estado Israelita tem feito ao Governo Espanhol para que um concelho galego retirasse umha campanha municipal cujo objectivo era informar aos seus vizinhos da massacre que está a sofrer o povo palestiniano.

Frente a esta nova volta de porca do Estado Espanhol em contra da liberdade de expressom e o perverso genocídio ianque-sionista contra os povos que nom baixam a cabeça a única soluçom é sair à rua.

Acode à concentraçom esta sexta dia 19 às 20.00 na rua Real de Ferrol

Vençamos o imperialismo na rua!!

A mocidade galega com o Iraque e Palestina!!

A seguir reproducimos o comunicado:

Nas derradeiras semanas vimos assistindo a umha intensificaçom do selvagem castigo que os EE.UU. e o Estado de Israel venhem aplicando sobre os povos iraquiano e palestiniano, respectivamente.

Já nom se trata de criticar a construçom dum "muro da vergonha" por parte de Israel, que anexiona por meio da força territórios palestinianos, senom que estamos diante o genocídio de dous povos, os quais se resistem a serem destruidos. Os dados falam por si sós: desde o início da Segunda Intifada, quase 3000 palestinian@s morrêrom em ataques indiscriminados ou "selectivos"do Estado israeli. No Iraque já se elevam a quase 40000 o número de mort@s civis desde o início da segunda guerra imperialista contra este povo.

Neste contexto, resulta inconcebível a atitude da chamada "comunidade internacional", incluídos organismos tam importantes como a ONU, que em lugar de denunciarem e ponherem em andamento todos os meios para deter estes massacres, silenciam na medida do possível ante as opinions públicas de diversos países a crua realidade de mortes de inocentes que a diário engrossam as negras estatísticas do balanço da "luita anti-terrorista".

Porém, frente a tanto silêncio, hipocrisia e cumplicidade as organizaçons: FPG, Adiante(MRG), Briga, Unión Libertária, Adega, NÓS-UP, convocamos esta concentraçom e acto simbólico para denunciar com a máxima contundência a enorme operaçom de destruiçom dos povos iraquiano e palestiniano a cargo dos carrascos sanguinários israelitas e ianques, com a colaboraçom activa ou passiva do resto da comunidade intenacional.

A nossa solidariedade está com os povos que luitam!
Galiza com Iraque e Palestina!