Greve do metal mobiliza miles de trabalhadores em Vigo
Maio de 2009
Os quatro últimos dias de greve na província de Ponte Vedra tenhem amosado dum jeito vibrante o único caminho que existe para repeler as agressons que a crise em curso está a dirigir contra @s trabalhadores/as galeg@s.
3.500 empresas totalmente paradas, 30.000 pessoas secundando a greve (a prática totalidade d@s trabalhadores/as) e miles reclamando um convénio digno nas ruas de Vigo e toda a província, piquetes, assembleias de trabalhadores/as e jornadas de mobilizaçons com a participaçom doutros sectores afectados como o naval e os estaleiros.
Nom se fijo aguardar a intransigência da patronal, que se lançou a esigir agressons policiais para silenciar o protesto legítimo. Por suposto, a polícia está bem ensinada e atacou às mobilizaçons com grande desplegue de médios, bolas de borracha, presença aérea, etc. @s trabalhadores/as respostárom com pedras, barricadas, curte de tráfego, e pegando-lhe lume a contentores e bobinas de madeira.
Durante estes dias, os médios de comunicaçom, os sindicatos com a obediência e as nóminas domiciliadas em Madrid e os cleptómanos do Parlamentinho tenhem aportado cada um o seu grauzinho de areia para silenciar, dividir e debilitar a greve. Os ataques de jornais, televisons e rádios contra “os violentos”, informaçom falsa sobre “grupos infiltrados” para deslegitimar os métodos empregados pol@s obreir@s, a tentativa de CCOO e UGT para erosionar o prestígio da CIG e desmobilizar a greve, e as declaraçons do Feijoo sobre que em tempos de crise, melhor é nom fazer greves. Os empresários do metal devem estar totalmente dacorde com este títere da patronal.
O grande sector de jovens que deu sustento à greve, assim como a exemplar actuaçom d@s grevistas, leva a BRIGA a saudar com entusiasmo factos como estes, que maliá aos desejos de políticos vendidos e sindicatos comprados, sabem que contra a crise e a patronal, só funcionam as pedras e a luita na rua. É imprescindível decatar-nos de que este é o único médio, por muito que repitam que existem outras vias, porque necessitam convencer-nos de que os métodos inúteis servem para algo.
Avante a luita do metal!
A juventude obreira combate o Capital!
Por umha nova Greve Geral!