Ecologismo manifesta-se em Ponte Vedra

Junho de 2009

O passado sábado mais de 2000 pessoas de Ponte Vedra, Marim e redondezas esigirom o feche sem condiçons da factoria ENCE, instaurada durante o franquismo e recentemente apoiada polo governo bipartido PSOE-BNG ao conferir-lhe à pasteira umha nova autorizaçom ambiental.

BRIGA e NÓS-Unidade Popular estivêrom presentes também nesta ediçom, na que se notou umha participaçom menor que outros anos devido em parte ao desánimo e desilusom gerada polo ex-governo autonómico.

A juventude organizada em BRIGA lançou diferentes palavras de ordem entre elas “Ence terroristas ambientais”, “Agora, agora, Ence fora”, “Contra a crise ambiental lume ao Capital”, etc; e repartiu a sua folha agitativa comarcal.

Desde as nossas forças encorajamos à juventude a participar deste movimento popular que já nom pode acreditar por mais tempo nas promessas falsas do reformismo, e apostar definitivamente pola mobilizaçom contínua e o activismo para botar a ENCE da ria.

Se queres consultar o manifesto da APDR, clica aqui.

Participaçom de BRIGA na marcha