Manifestaçom de Causa Galiza no Dia da Pátria: “Contra a crise do capital, soberania nacional”

Julho de 2009

Por terceiro ano consecutivo a esquerda soberanista organizada em Causa Galiza, chama a mobilizar-se no Dia da Pátria polas ruas de Compostela, desta vez sob a legenda “Contra a crise do capital, soberania nacional”, numha manifestaçom que partirá às 13h00 da Alameda de Compostela.

Num contexto como o que atravesamos, no que a crise do capital ameaça gravemente os directos conquistados pola classe trabalhadora e nos que a ofensiva do españolismo contra Galiza intensifica-se por momentos, Causa Galiza sairá às ruas de Compostela para reclamar soberania nacional e contestar as conseqüências da crise, traducidas em mais precariedade, despedimentos e desemprego.

Os actos provistos pola iniciativa popular para o Dia da Pátria deste 2009, que forom apresentados numha rolda de imprensa que acolheu a Gentalha do Pichel, nom se reduzem a convocatoria da mobilizaçom nacional. Após a manifestaçom, Causa Galiza celebrará no Parque de Belbis umha Romaria Popular na que ademais dum jantar haverá diversos actos culturais, postos de material de diversos colectivos sociais e culturais e actividades de lazer.