12 de Agosto, homenagem a Moncho Reboiras

Agosto de 2009

Como cada ano, o 12 de Agosto NÓS-Unidade Popular homenageará ao patriota e comunista José Ramom Reboiras Noia, Moncho Reboiras, na mesma rua na que foi assassinado em 1975 pola polícia espanhola.

O acto político de homenagem a Moncho Reboiras decorrerá apartir das 20h30 e como vem sendo habitual nos últimos anos, ademais da intervençom dum representante de NÓS-UP, nesta ocassom de Maurício Castro, um companheiro de BRIGA tomará a palavra para recordar ao revolucionário galego.

Já vam 34 anos de que um jovem coma nós, com apenas 26 anos de idade, era assassinado polas balas fascistas da polícia espanhola ante este portal nº 27 da ferrolá rua da Terra.

Foi assassinado num mês de Agosto de 1975 que foi caracterizado pola desproporcionada ocupaçom militar da nossa Terra na procura de ceifar umha das cabeças mais lúcidas que estava à frente do projecto de libertaçom nacional galega, -como sem dúvida foi o Moncho-, e desta maneira assestar um golpe repressivo à auto-organizaçom popular que desde parámetros nacionais e de esquerda se vinha produzindo desde finais da década de 60 e princípios dos 70.

O conjunto da esquerda independentista deve continuar a re-lembrar mais um ano que este tipo de actos de homenagem som importantíssimos para nós, porque temos que manter vivo o legado político e ideológico que pessoas como o Moncho nos deixou e extrair umha ensinança fulcral: a atitude d@ militante coerente e conseqüente com os ideais revolucionários nos que cria profundamente.