BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Cerca dum centenar de pessoas manifestam-se em solidariedade com os três detidos

imagem

Campanha 29-M, que se vaiam!

Maio de 2005

Perto dum centenar de pessoas manifestárom ontem 18 de Maio a sua solidariedade com os 3 jovens detidos. A concentraçom convocada diante da estaçom de comboios para denunciar a detençom essa mesma manhá dos três militantes de BRIGA quando tentavam derrubar a estátua fascista de Millám Astray rematou por converter-se numha manifestaçom. Após a atitude intimidatória habitual mostrada pola polícia espanhola identificando boa parte da gente lá concentrada, iniciou-se umha manifestaçom cara a esquadra policial onde estám detidos os três companheiros. Na manifestaçom pudérom-se escuitar palavras de ordem exigindo a liberdade dos detidos, reclamando o direito de liberdade de expressom, contra a simbologia fascista e em contra do desfile militar do 29 de Maio entre outras.

Chegad@s @s manifestantes ao pé da esquadra policial das Lonças os berros solidarios intensificárom-se com o intuito de que o apoio popular existente e as numerosas mostras de carinho expressadas ao longo do dia por numerosas pessoas chegassem aos ouvidos dos valentes activistas. Antes de rematar o acto o advogado informou sobre a situaçom dos detidos que som acusados, além dos danos causados à estátua, da esperpéntico delito de "injúrias ao Exército espanhol". Segundo informou o próprio advogado o trato na esquadra policial tinha sido correcto até o momento.

Finalmente um representante de BRIGA agradeceu a presença da gente lá concentrada e informou da convocatória de umha manifestaçom solidária para hoje quinta-feira 19 às 10 da manhá diante dos novos julgados.

Nom quigeramos deixar de agradecer a presença solidária de membros do colectivo anarquista FAG que participárom com faixa própria na manifestaçom e continuamente mostárom a sua preocupaçom polos detidos e à gente do Centro Social Atreu que também emprestárom toda a sua ajuda e nos mostrárom ao longo de todo o dia o seu apoio e a sua solidariedade.

Afonso, Vreixo, Borja LIBERDADE!!
Simbologia fascista fora da Galiza!!

Ver também a campanha: 29-M, que se vaiam!