Homenagem a Henriqueta Outeiro no Dia da Galiza Combatente

BRIGA participará no já tradicional acto político polo Dia da Galiza Combatente organizado por Nós-Unidade Popular, organizaçom política da esquerda independentista, este ano sob a legenda Henriqueta Outeiro, comunista, guerrilheira e feminista galega indomável.

O acto, convocado às 13h00 horas na sua paróquia natal, Miranda (Castro Verde), contará com as intervençons do Porta-Voz nacional de NÓS-Unidade Popular Maurício Castro, a do Centro Social Henriqueta Outeiro de Compostela e a do membro da Mesa Nacional de BRIGA Noela Campanha.

A seguir terá lugar um recital poético e umha oferta floral no cemitério onde está enterrada esta mulher de excepçom, rematando a jornada com um jantar de confraternizaçom.

A juventude revolucionária organizada em BRIGA aderimos com entusiasmo à comemoraçom deste dia, que pertence a tod@s @s que rejeitam as pantomimas institucionáis e reivindicam a memória de aqueles e aquelas que mantivêrom viva a esigência de liberdade política, autodeterminaçom e independência para o povo galego, a costa inclusive das suas próprias vidas.

Este foi o caso também da Henriqueta Outeiro, que em 2010 cumpriria 100 anos. Ela permanece na nossa memória como a incansável guerrilheira anti-franquista cuja queda em 1946 foi com as armas na mau e nem os anos nos cárceres fascistas espanhóis numhas condiçons extremas, nem os brutais golpes que recebeu fôrom escusa para abandonar o caminho da luita pola emancipaçom social e de género até o último dia da sua vida.

VIVA O DIA DA GALIZA COMBATENTE!!

PÁTRIA OU MORTE, VENCEREMOS!!