BRIGA resposta o dia da raça com a retirada de bandeiras espanholas

Outubro de 2009

A juventude rebelde organizada em BRIGA contestou o passado 12 de Outubro a celebraçom da festividade nacional espanhola com a retirada de dúzias de bandeiras “rojigualdas” de prédios institucionáis em diferentes localidades da nossa naçom.

Cada 12 de Outubro o espanholismo mais rançoso aproveita para sair das suas cavernas a festejar o autêntico genocídio indígena e o espólio do “novo mundo” , que fôrom as verdadeiras conseqüências de que o intrépido Cristovo Colombo topasse com essas terras por casualidade, à roda de 500 anos depois do seu verdadeiro descobremento. O férreo domínio instaurado pola Igreja Católica e a imposiçom violenta do capitalismo ainda som lembrados por amplos sectores populares que rechaçam esta data imperialista em toda América Latina.

Mas nom só se pretendem exaltar as capacidades civilizadoras dos espanhóis, senom que também se procura ameaçar às naçons que oprime numha demonstraçom desafiante do seu poder armamentístico botando os seus carros de combate e corpos militares às ruas da capital do Estado, lembrando a origem desta “festa” cuja essência fascista mantem-se intacta na actualidade.

A juventude rebelde galega consciente da naçom à qual fai parte, nom tem nada a festejar neste dia e sim muito a combater, por isso, o nosso contributo à causa nacional espanhola: fazê-la desaparecer do nosso país.

12-OUT: Nom temos nada a celebrar!!

Mural realizado na comarca de Trasancos