Brigadistas galeg@s já se acham nas Caraíbas

Outubro de 2009

Como acaba de informar o sítio da Brigada Galega Fuco Gomes, a delegaçom do nosso país encontra-se nestes momentos na ilha participando da Brigada 50º aniversário da morte de Camilo Cienfuegos, um dos máximos dirigentes do Exército Rebelde, que atingindo o grau de comandante contribuíu decisivamente para a vitória da Revoluçom. Num dia como hoje, há 50 anos, Camilo falecia vítima dum acidente de aviaçom.

Também 50 anos depois, a juventude galega mais consciente da necessidade do internacionalismo conseqüente, do apoio mútuo na luita por umha sociedade sem classes nem exploraçom nacional e de género imprescindível para o sucesso dos nossos respectivos projectos de emancipaçom.

De Briga saudamos a iniciativa da Brigada Galega, desejamos-lhe a melhor das sortes aos brigadistas nesta nova jeira, e aguardamos poder publicar com satisfaçom nos próximos anos novas e exitosas viagens de jovens galegas e galegos que apreendam as virtudes da revoluçom e difundam as luitas do nosso povo ao outro lado do océano.