Três jovens condenad@s a 9.000 euros por exibir faixa contra a BRILAT

Especial Nom mais julgamentos a antimilitaristas

Novembro de 2009

A sentença foi-lhes notificada esta semana: 3.000 euros de multa cada um/umha por desplegar umha faixa na que se podia ler "Stop juizos políticos, BRILAT fora!". A resoluçom podia convidar à risa se nom fosse pola realidade sangrante dumha desproporçom que fere os olhos.

Salda-se assim a portagem repressiva da campanha levada avante por BRIGA em 2008, cujo objectivo era denunciar o julgamento de três antimilitaristas que em 2006 participaram no boicote a um posto de captaçom desta unidade militar, na Alameda de Ponte Vedra. Polo visto, a projecçom mediática que este julgamento atingiu está a ser cobrada pola Subdelegaçom do governo espanhol.

A aplicaçom da Lei contra a Violência e a Xenofobia no Desporto num contexto que claramente nom tem nada a ver com a sua denominaçom esclarece a utilidade real desta legislaçom: Afogar qualquer tipo de dissidência ou reivindicaçom social que empregue as bancadas para a denúncia dos problemas da juventude.

Por outra banda, é de assinalar a sanha desproporcionada com a que age a judicatura actuante nos diversos processos que nos últimos anos tenhem no rechaço à base militar da BRILAT o seu denominador comum. Por muito que os diversos governos tentem escamoteá-lo, o exército espanhol segue a ser um poder fáctico que nom pode ser desafiado, e sobre o qual só existe umha opiniom permitida: A que lhe serve de coarctada para continuar o saque imperialista em Oriente Médio e outros países, e a dominaçom do inimigo interno (qualquer que alce a voz contra ele).

De BRIGA ratificamo-nos no nosso compromisso antimilitarista, e pedimos a solidariedade para com estes companheir@s que som condenad@s injustamente.

BRILAT FORA DA GALIZA!!

A SUA PACIFICAÇOM É UMHA OCUPAÇOM!!!

O EXÉRCITO NOM É UM TRABALHO!!!