Solidariedade com a juventude revolucionária basca

Novembro de 2009

Na madrugada do dia 22 para o 23 deste mês, um dispositivo conjunto da Polícia Nacional e a Guarda Civil tem praticado 34 detençons e registado 92 locais e domicílios particulares, intervindo efeitos pessoais, manuscritos e mais de 6.000 euros. Ante estas notícias, BRIGA quer manifestar:

1. Esta operaçom nom é “um golpe a ETA”. Constitui nem mais nem menos que um ataque indiscriminado à juventude revolucionária, a perseguiçom de umha opçom política que se tenta apagar da face de Euskal Herria e especialmente da consciência colectiva da juventude basca, empregando o terror policial.

2. Denunciamos a coarctada judiciária fornecida pola Audiência Nacional, erigida no tribunal de excepçom franquista do século XXI. A obsessom deste organismo por silenciar a luita do povo trabalhador basco só é comparável à brutalidade do seu assédio ininterrompido a organizaçons políticas e sociais, sindicatos, associaçons, médios de comunicaçom, centros sociais, casas de jovens, etc.

3. A repressom historicamente sofrida polo movimento juvenil independentista basco nunca impediu a sua continuidade. É umha mostra evidente do respaldo popular do que goza. Maliá esta realidade irrebatível, o Ministério do Interior anúncia a enéssima desarticulaçom dumha organizaçom juvenil que está disposta a existir com ou sem permisso do estado espanhol.

4. Esta macro-operaçom contra a juventude tem como gestores políticos aos seqüestradores da Lehendakaria (PSOE e PP), que num contexto de forte conflitividade social e nacional, aparcam as suas diferenças cosméticas e agem como o que som: Distintas caras da mesma moeda.

5. Desde a Galiza e a sua juventude, enviamos aos/às companheir@s detid@s o apoio incondicional de BRIGA, denunciamos criminalizaçom e tortura do melhor da juventude euskalduna, e reafirmamos o nosso compromisso internacionalista com os povos oprimidos polo estado espanhol.

SEGI AURRERA!!!